所有分集

一萬蚊去歐洲旅行不是夢！食買玩住全套齊晒仲有找添呀！「慳遊達人」Kelena 潘杰寧同「豪玩客」強尼，帶大家去到東歐嘅克羅地亞！想去得合乎經濟原則，咁就要揀 5 月去啦！因為機票會平好多，而且天氣仲好宜人!

只留喺薩格勒布點會滿足呀! 識玩就梗係落南面杜布羅夫尼克再玩返上唻啦! Kelena 佢竟然搭巴士，就可以慳返晚住宿費! 去到杜布羅夫尼克，Kelena 同強尼就去做動物義工，唔駛錢不特止，仲獲得心靈滿足! 之後仲參加一年一度嘅古城城牆跑。

Kelena 同強尼繼續北上去到斯普利特，佢哋喺克羅地亞哩個第二大城市裡面，首先參觀唔駛入場費嘅戴克里先皇宮。之後 Kelena 約咗中學同學聚舊，了解下克羅地亞嘅生活文化。強尼就不忘港人旅行本色，追問開辦民宿嘅香港人，克羅地亞啲樓價係幾多錢呀!

Kelena 同強尼都係足球愛好者，去到札達爾 - 克羅地亞國腳摩迪嘅故鄉，點會唔搵下佢嘅足跡呢! 反正又唔駛錢! ! 佢哋去到摩迪曾經居住嘅難民營度，見到一班同樣係愛好足球嘅小朋友，之後就展開一場激烈又窩心嘅足球比賽，可以享受足球帶唻嘅快樂。

去到行程尾聲，旅費亦駛得七七八八，去睇風景就最啱啦! 有小意大利之稱嘅羅維尼，位於克羅地亞西北部，城區散佈喺亞得里亞海沿岸，以綿延數公里嘅優美海岸線聞名，擁有地中海浪漫景色嘅海濱小城。

有一萬蚊旅費! ! 去亞洲好? ! 定係歐洲好? ! Why not both! ! 土耳其就係一個融合歐亞文化，充滿異國風情嘅地方!

卡帕多奇亞係一個出名多奇岩怪石嘅地區，怪到傳聞星球大戰都喺度攞靈感! 而為咗可以全方位零死角咁欣賞哩啲大自然嘅鬼斧神工，九成九嘅遊客都會坐熱氣球，之但係 budget 有限嘅 Amy 可以點呢?

講起土耳其嘅美食，大家最有印象可能就係嗰杯拎極都拎唔到喺手，會俾人玩到發脾氣嘅土耳其雪糕，原來傳統嘅雪糕，唔係用嚟玩，要用刀叉唻食先正宗! 仲有就係旋轉烤肉，你以為係用塊麵包皮包住咁食?

哩一集佢哋就去到伊斯坦堡，死慳死抵唧出 100 里拉嘅 Amy，就想喺土耳其最古老嘅市集之一嘅有頂大市集度 SHOPPING，仲學咗句土耳其話諗住講下價，點知敗陣而回！

只係得番幾百蚊喺身嘅 Amy，要喺伊斯坦堡作最後衝刺！難得唻到一個橫跨歐亞兩洲嘅城市，玩完歐洲，只需俾幾蚊搭船就可以去埋對岸亞洲。喺亞洲哩邊嘅消費，仲要平民化好多添呀！平唔代表唔好，因為卡德柯伊可以話係亞洲岸嘅文青區代表，好多小店，咖啡店等等

《萬遊攻略》來到尾站，去到柬埔寨暹粒。呢一站就由強尼與 Hailey 來一場豪華之旅，入住 CP 值極高的酒店，高級昆蟲餐廳，到底一萬元可以在這裏如何花得盡興！

Hailey 帶大家去食柬埔寨 CP 值最高的柬式豪華早餐。令人崩潰的恐怖美食，燒青蛙 炸虫蛹 鴨仔蛋，最愛美食的 Hailey 敢不敢挑戰柬埔寨道地小吃?

被稱為「最美日出聖地」之一的吳哥窟，每年吸引世界各地的遊客前來朝聖，強尼和 Hailey 一起觀看大自然的感動。柬埔寨作為擁有最多地雷的國家，平均每 5 分鐘就會有人因地雷致死或致殘，參觀地雷博物館和掃雷英雄鼠中心，認識不一樣的柬埔寨。