所有分集

《Chat KP》主持彭秀惠聯同來自五湖四海嘉賓，以開信形式及現場Phone In，同大家拆解生活各種疑難雜症。今集來信，眾多煩惱竟然係香港人最鍾意嘅——「旅行」！

廁所人人都去，但唔係個個都識去。今集徵收到「屎坑料」，有半路瀨咗嘅、有廁格等極唔開嘅、又有女廁開盲盒嘅、仲有老公痾爆咗嘅！

邊種氣味能夠令你一聞如故？前男友體味？搭𨋢屎屁味？同事獨有嘅酸餿味？抑或令人上癮天嘅拿水味？今集來信娓娓道來～

今集來信不得不回：囉嗦長氣Voice message、屋企連環追魂call、已讀不回神秘者！

為咗打造一個理想家居有幾多煩惱？婚前新居鬧意見、砌傢俬搞烏龍、購物狂亂收納、裝修中伏記、迷信風水陣，今集來信有誰共鳴！

瞓覺係每日嘅緊要事，但唔係晚晚都有覺好瞓！今集徵收睡眠困擾：人狗同床、生保床、冷氣機滴水，仲有樓上發癲鄰居！

女人萬千寵愛集一身，還是獨力當自強？今集請嚟特別嘉賓花姐，為大家解開對各種女上司之誤解：「強勢乜都管」、「單身難相處」、「日日要OT」

今集繼續有花姐，作為重量級人物，竟然最怕自己肥會失禮另一半……

網上廣告誇啦啦，人買我又買，誰料喪心瘋狂通通買！網購買嘢必有假，主持KP中伏多籮籮！

又到求職高峰期，要點樣做好準備、突圍而出？有機會面試，又遇到對方刁難同試驗？今集為你解惑～

花姐17歲嘅初戀，竟然係花先生？今集花姐同大家分享戀愛史，仲教大家點樣追求心儀對象，同場加映KP戀愛學堂。

邊個有錢啲就可以話曬事？身份懸殊點樣唔影響一段關係？今集繼續有花姐，同大家分享與花先生的相處之道！

恭喜發財！利是逗來！拜年遇上Kam親戚，利是總係有硬嘢，到底過年係喜慶祝福定還是製造煩惱？新年繼續有KP與你傾訴。

同一大班朋友聚會食飯，約人、定日子、揀地方都足以傷腦筋，但原來朋友上嚟屋企，仲要心驚膽顫！

第一次約會係難忘定尷尬？食譚仔定食西餐？今集KP分享自己中學時期第一次約會，係喺潮濕嘅春天，同鍾意嘅男同學......

結婚係人生大事，但搞結婚仲大件事，甚至會搞到結唔成婚！今集有《大力情人》參加者同Wedding Planner同大家分享籌備婚宴經驗。

人到中年，最怕遇上咩？今集有請嘉賓強尼上嚟講吓中佬經，同KP大談中年危機！

死黨雖難得，但係死黨唔易做。今集KP同強尼分享成為死黨嘅條件，以及討論異性死黨嘅界線，同場仲有KP死黨互相剖白。

男人不壞，女人不愛？一個壞男人具備咩條件呢？今集繼續有強尼做嘉賓，一齊討論吓何謂壞男人，兼且現場拆解觀眾八次復合嘅戀情！

令人最措手不及嘅，係突然消失嘅事物。今集有風車草成員和舞台劇演員梁浩邦，同大家分享往日已經不再嘅嘢，以及突然唔見咗嘅朋友......

企得上舞台嘅人，背後都有一個夢想。今集有岑珈其同一眾趣友分享自己嘅演藝夢，當然唔少得有KP，第一次出演電影拍攝竟然......

演藝的事講不完！今集講吓演員嘅操守以及如何調教特約演員，現場趣友更揭密某國際明星喺片場耍大牌！

你係偏心派，還是公平派？你不被偏心，還是天生得寵？今集講吓偏心嘅心理同影響，仲有觀眾來電，分享被屋企人冷落嘅傷痛經歷。

今集有一班主人帶埋愛寵上嚟，講吓佢哋關於愛與痛的故事！當然亦唔少得KP與愛犬芳芳，講吓領養與訓練之道。

養寵物煩惱不少，譬如狗狗唔聽話、隻貓貓太痴纏，然而最怕嘅係面對寵物嘅離逝。今集特別有寵物殯儀分享，希望教識主人如何與愛寵道別。

戀愛有無年齡限制？同年紀大嘅拍拖會遇上咩問題？今集有一班年齡差距戀愛史嘅趣友，一齊講吓忘年戀經歷，同場仲有珈其對KP情不自禁嘅表白......

今集繼續突破戀愛界限，講吓熟男魅力、姊弟戀，唔夠喉？仲有阿女同60歲阿伯拍拖、中學同學做咗女婿...... 一齊探討忘年戀心態！

生活總會遇上大小煩惱及奇怪遭遇，無論來自事業、家庭、愛情、朋友、自身，無論發生在工作環境、家居、街道、商場、食肆 … … 總有林林總總，各式奇式的事情讓你困擾尷尬、不吐不快、睇唔過眼、不便開口、想搵人傾吓笑吓，或者尋求建議指引…

喺呢個網絡世代，人人都可以成名，但係咪就代表有影響力？今集繼續有《哪一天我們會紅》創作團隊同演員，以及一位營銷顧問，同大家一齊講吓KOL、網紅！而且仲有特別來電，分享被紅嘅難受經歷。

你最原諒唔到嘅事情係咩？原諒係咪必要？今集有請《不赦之罪》創作團隊及演員上嚟，分享佢哋一直無法原諒嘅經歷，同埋討論「醉後駕駛」、「穿櫃桶底」值唔值得原諒！

一班經驗豐富、熱愛舞台劇嘅演員，會遇上點樣嘅蝦碌嘢？今集有風車草成員同舞台劇演員梁浩邦，講吓佢哋做舞台劇嘅辛酸、尷尬、爆笑嘅經歷。

舞台劇嘅蝦碌嘢多不勝數，而睇騷又總會遇上瘋狂觀眾。今集繼續有風車草同梁浩邦，分享佢哋如何面對台上突發，以及台下觀眾點樣影響演出。

有無試過同人反面？反面之後點算好？今集有阿祖教大家通訊軟件鬧交大法，亦有KP分享同好友破鏡重圓嘅微妙旅程！

你係咪一個大細路呢？大細路畀人感覺唔成熟？今集請嚟大細路代表當奴，同大家分享大細路嘅可貴之處，同場仲有一班玩具發燒友講吓大細路點解鍾意玩玩具！

同大細路男朋友拍拖好定唔好？大細路有咩與生俱來嘅本能？今集繼續有當奴同一眾大細路講吓戀愛、成長經歷。

惡係咪就係大晒？！點樣為之惡？！今集繼續有當奴，分享佢當年細個遇上飛仔之童年陰影，同埋大家喺職場上遇過嘅惡人經歷，當中KP更道出應付惡女人嘅奇趣招數！

對付惡人係咪以惡還惡？我哋可以點樣回擊？今集講吓喺公眾場合點樣應對惡人、有咩安全需要注意，以及分享幾招對付惡人之錦囊傍身。

湊上司猶如湊老婆？上司要求下屬要接受？今集請嚟陳詠燊導演，分享辦公室政治之餘，講吓下屬如何應對各式各樣嘅上司。

唔好同上司太親近？但要點樣喺上司面前表現自己？今集繼續有陳詠燊導演，一齊討論職場「關係學」，仲會分享遇到性感女同事、媽媽級上司之經歷。

最怕遇到咩下屬？下屬要整頓職場點解決？今集仍有陳詠燊導演，同大家分享管理下屬心得。

點解人會反叛？反叛有無代價？今集有野佬成員小胡、阿銘同Wilson上嚟，分享佢哋兒時反叛史，而且仲會講吓佢哋當時為夢想辭工經歷。

今晚又係睇呢啲…… 咪住！唔好咁消極先！今集有白只、楊偉倫、邱頌偉，號稱消極之鬼，分享消極之人與事，以及如何以幽默與智慧化解～

男人嘅世界，顏值緊唔緊要？無樣嘅男人如何闖出一片天呢？今集繼續有白只、楊偉倫、邱頌偉，一齊講吓男人外貌困擾，同埋電影成為一個襟睇嘅男人！

咩係男人嘅浪漫？男人走埋一齊會......

說話可以有幾搶口？有無試過講嘢得罪人？今集請嚟一班嘴𡁻𡁻嘅趣友上嚟，講吓點樣嘴賤人、有啲咩唔應該講，以及如何應對他人嘴賤！

溝女嘴賤係幽默定黑人憎？嘴賤但係心地好？今集繼續有嘴𡁻𡁻嘅趣友，同大家一齊分享吓嘴賤嘅層次，以及如何成為聰明嘅嘴賤之人！

最憎人扮晒嘢？喺社會生存係必須扮吓嘢？今集有BabyJohn同Lokman@Mirror上嚟，以舞台劇「BL」組合，講吓扮嘢的故事，佢哋仲會分享同屋企人、另一半如何扮嘢之道。

也許相愛很難～就難在其實雙方各有各寄望，怎麼辦？今集有《他年她日》電影團隊上嚟，分享佢哋「愛情故事」之餘，一齊討論如何解決各種愛情困擾！

正所謂一剎那光輝唔代表永恆，潮流每日變化萬千。但，可以點樣捲土重來呢？今集「BL」組合再次回來 —— BabyJohn、Lokman@MIRROR，分享佢哋演藝生涯高高低低嘅經歷，同埋點樣度過低潮！

人世間有咩比撞鬼更得人驚？係死纏爛打嘅恐怖情人？定係躁狂嘅魔鬼上司？唔怕！今集我哋有舞台劇《請勿打擾》團隊上嚟，同KP一齊教大家辟邪驅魔！

大人，冤枉啊！有啲咩事水洗都唔清？遇到唔公平又點樣反擊？今集有請《大狀王》一班主演上嚟，同大家洗雪冤屈！

身處異地有無經歷過難忘之事？又或者遇上來自他國的人？今集邀請到日港合拍電影之《殺手#4》團隊上嚟，同大家分享喺日本拍攝趣事，為大家解答異地困難！

你係千杯不醉，定係一飲酩酊大醉？有無試過飲大咗，做咗後悔嘅事？今集有《存酒人》團隊上嚟，同大家講吓有關酒的故事～飲杯！

Single dog~single dog~single all the way? 單身又有咩好怕喎！但係一個人難免有寂寞、無助嘅時候，點算？！今集有請被認為係單身一族嘅小儀、蝦頭，以及劇場人MayMay上嚟，同大家解難！

又到聖誕，又到聖誕，今年聖誕認真歎！因為今集繼續有小儀、蝦頭，以及劇場人MayMay上嚟，同大家過聖誕之餘，今次仲特別有讀聖誕卡環節，分享大家聖誕願望。

你最軟弱嘅嘢係咩？你有無經歷過軟弱嘅moment？今集嘉賓請嚟朱康，看似強悍嘅佢，對軟弱有特別睇法之餘，仲教大家如何正視聽「軟弱」。

有無人同你講過你要爭氣？或者話你唔爭氣？今集繼續有朱康上嚟，分享大家最爭氣嘅時刻。

今晚有三封關於「爭氣」嘅來信，有被父母怪責嘅阿仔、唔被老師睇好嘅學生，仲有委曲求全嘅伴侶，佢哋點解會唔爭氣？而又可以點樣為自己爭返啖氣？

做自己就係真理？就係大曬？定還是有苦自己知！今集嘉賓繼續有朱康坐鎮，分享面對做自己嘅反思，以及點樣喺維持關係同做自己之間取得平衡。

古天樂、林峯蒞臨chat KP，尋秦記25年回憶殺，2人分享籌備及拍攝經過，項少龍與大王男兒淚感動人心。

職場遇上新人事要點適應？戀愛新現任點面對前任嘅痕跡？今集有新戲《夜王》電影團隊上嚟，同大家解答疑難之餘，仲分享拍攝趣聞。

初三赤口，繼續有賀歲電影《夜王》團隊導演吳煒倫、譚旻萱、楊偲泳分享賀年習俗，還有神秘觀眾來電，與導演分享來年賀歲片大計。

今集繼續有古天樂、林峯，帶觀眾乘坐時光機，回憶25年前拍攝尋秦記趣事。

如何一班人齊心合力做一件事？遇上豬隊友可以點樣carry？今集繼續有《大狀王》一班主演上嚟，同大家分享演出期間嘅難忘回憶以及合作之道。

人人都有渴望自由的心，不過自由都需要付出代價。今集有KB、張紋嘉、Ranya、泳希，四位演藝界slasher上嚟，同大家分享做自由人嘅樂趣同難言之隱。

有時遇到不合理事杣想爆又唔敢爆，爆完又驚有後果，今集邱禮濤導演，搵埋Ansonbean 同Anson Kong 嚟分享，教你點樣爆得爽快，就算唔爆又點樣可以抒發情緒～

人生下一步要點做？下一年又有咩計劃？今集嘉賓請嚟張繼聰及其三位粉絲，一齊探討人生之What's Next！而自稱「講經佬」嘅張繼聰，更分享面對困境應有嘅態度。

淨係一集聽張繼聰講經點夠喉？今集有佢繼續講吓由出道以嚟誇張事件，以及佢如何跨過事業嘅低迷期。

《我們不是什麼》電影團隊再次回來，同大家講吓有一種樣樣靠自己努力嘅精神！

當自己心愛寵物離開嘅時候，原來除咗自己難過，身邊屋企人都經歷其中。今集我哋有《關於那隻龜回魂的故事》團隊上嚟，同大家分享養育愛寵之事。

家家有本難念的經，屋企人之間恩怨情仇難和解？今集繼續有《關於那隻龜回魂的故事》團隊分享他們每家的事。

相信無人想自己病，但生病過程所經歷嘅生命課程係永世難忘。今集會有三位經歷過大病及痊癒康復嘅嘉賓，同大家分享從病魔走出來的故事。

當女演員成為媽媽，會有咩犧牲同得著？今集一班星級靚媽 —— 余香凝、陳嘉寶、蔡明思上嚟，分享佢哋由初入行、結婚、做人媽媽嘅心路歷程。

女仔嘅友誼特別脆弱？成為閨蜜要有咩條件？今集繼續會有余香凝、陳嘉寶、蔡明思，講吓朋友與閨蜜嘅相處之道。