百日女团

S1 · E1 · 2026年4月27日

尋找女團靈感 第 1 集

踏入30＋嘅Shirley同Asha，決定要喺演藝事業上尋求新嘅突破，踩過界自組限定女團重新出道！

S1 · E2 · 2026年4月28日

女團的誕生 第 2 集

Shirley同Asha了解咗主流同地下女團各自嘅特色，但係風光背後兩隊組合都隱藏住唔同嘅辛酸，當中USPEER有成員為咗夢想要放棄學業，Midnight Syndrome成員為咗生計竟然仲去女僕Cafe打工？

S1 · E3 · 2026年4月29日

她們能組女團嗎？ 第 3 集

一命二運三風水，娛樂圈呢行最信命運，Shirley、Asha究竟適唔適合組女團？佢哋親自走入廟街，請教咗三位唔同術派嘅師傅，點評有辣有唔辣，但竟然都指向一個問題-「溝通」。

S1 · E4 · 2026年4月30日

女團的品味 第 4 集

唔少粉絲鍾意睇偶像嘅私人生活同打扮，所以做得Idol，時尚品味都唔可以太差，今次Shirley同Asha就要接受私服造型大挑戰！

S1 · E5 · 2026年5月1日

女團的忙碌時間表 第 5 集

頭兩個星期試完音、傾完造型，未來兩星期繼續要見唔同範疇嘅專業人士！眾𥚃挑一揀中心水Demo後，就約埋填詞人Oscar傾歌詞內容。擁有一首歌係Shirley嘅夢想，但係Shirley竟然淚崩當場！

S1 · E6 · 2026年5月4日

成團公告！We are PAWS！ 第 6 集

5000Followers大挑戰成果一直未如理想，拍攝進度亦都落後，令製作組同PAWS之間漸生矛盾，更引發信心危機！Asha提議開會檢討，會議中途Shirley更淚曬當場。慶幸製作組同二人坦誠溝通，成功解開誤會，繼續努力。

S1 · E7 · 2026年5月5日

PAWS唱歌實力大考驗 第 7 集

PAWS公開身分之後，Shirley、Asha隨即要展開一連串嘅粉絲見面活動，第一個活動就係一連四站嘅Busking！與此同時，PAWS亦都要從忙碌嘅日程入面抽時間錄製團歌《咬耳朵》。

S1 · E8 · 2026年5月6日

出發！PAWS之韓國修行 第 8 集

為咗幫PAWS汲取更多養分，Shirley同Asha喺韓國繼續修行，第一件事就從造型出發，將佢哋打造成韓國Idol，體驗女團嘅百變造型！同時佢哋仲要喺街頭拉票，爭取成為顏值擔當，過程中竟意外發現PAWS有望衝出國際？

S1 · E9 · 2026年5月7日

PAWS韓國修行首試煉 第 9 集

上集講到Shirley同Asha第一個試煉，就係擔任舞團REVIVE X嘅驚喜嘉賓，喺弘大街頭獻出第一次跳舞公演！當晚韓國氣溫低至零下十幾度，佢哋喺現場未跳先震，自己都分唔到係緊張到震定凍到打冷震......

S1 · E10 · 2026年5月8日

PAWS韓國修行終極考驗 第 10 集

韓國修行終極考驗！製作組聯同Idol學校進行一次模擬試鏡，以韓國Idol練習生嘅標準去評核PAWS，Shirley同Asha備受壓力，Asha更淚灑現場！

S1 · E11 · 2026年5月11日

女團甘苦談 第 11 集

向來都知道香港做組合好難，做女團更難！今集製作組搵嚟同樣係女團出身嘅 Crystal@HotCha、Chloe@As One 同 Christy@FFx，同 Shirley Asha 飲吓酒傾吓偈，大談當年組團經歷過嘅奇怪事！

S1 · E12 · 2026年5月12日

節日限定！落區啦 PAWS 第 12 集

調整失落心情之後，Shirley、Asha 繼續為 PAWS 嘅出道造勢！適逢情人節同農曆新年，PAWS 再次落區同粉絲近距離互動。第一站 -- 維園年宵！走入最熱鬧最多人嘅年宵花市大派 PAWS 限定揮春、風車同利是封，同大家拜個早年！

S1 · E13 · 2026年5月13日

Showcase 前夕 第 13 集

Showcase 前最後一個粉絲見面活動，一日店長！除咗擔當店員喺店面工作，Shirley、Asha 更親手焗麵包回饋粉絲。一如以往，活動後 PAWS 向在場粉絲大派小卡同應援物，但粉絲唔知道嘅係，抽卡箱竟然內含 Showcase 門券換領卡⋯

S1 · E14 · 2026年5月14日

閃耀舞台啦！PAWS！ 第 14 集

《PAWS 百日演 Debut Showcase》正式 on show！終於嚟到打大佬嘅時刻！由十一月成團到而家，學歌練舞嘅努力、抵抗壓力嘅汗水同眼淚、同粉絲之間用一次又一次見面活動建立嘅愛與聯繫，喺 Showcase 呢一日都要嚟個大總結。

S1 · E15 · 2026年5月15日

我推的 PAWS，有緣再見！ 第 15 集

繼續《PAWS 百日演 Debut Showcase》Part II！PAWS 喵力爆發，送上第一首團歌〈咬耳朵〉！百幾日嘅回憶同努力，盡情傾注喺團歌當中，Shirley、Asha 完成之後情感爆發！

S1 · E16 · 2026年5月18日

百日女團 Showcase 第 16 集