晚吹 - 又要威 又要戴頭盔

S1 · E1 · 2016年4月7日

跨性別人士 (I) 第 1 集

社會上有一群人，因為天意弄人，令到他們一出生就與別不同，大半生的時間，無論在生理或心理上都活在痛苦以及自我否定中，到他們孤注一擲，寧願孤獨終老，都要尋回自己……

S1 · E2 · 2016年4月14日

跨性別人士 (II) 第 2 集

被分手的理由有千百個，但只要你告訴另一半，你原本是一位男性，是一位變性人，被分手的機率就會增加至90%，不信?　就請來一位「直」男，親述自己對變性人的看法，將變性人所面對的香港社會赤裸裸地呈現你的眼前。

S1 · E3 · 2016年4月21日

公立醫院護士 (I) 第 3 集

你我對護士的理解，可能大多來自電影和電視劇的虛構情節。為嫌惡性服務行業工作的他們，真實的想法和個性究竟如何呢? 公立醫院工作究竟有多辛苦? 男護士又是否男仕的夢想工作?

S1 · E4 · 2016年4月28日

公立醫院護士 (II) 第 4 集

公立醫院的服務為人垢病，特別是不少醫療失誤，以及人手不足問題。江湖傳聞的「輸入廣東護士」，以及「由護士斷症配藥」議題，究竟對護士對市民是好事還是壞事?

S1 · E5 · 2016年5月5日

BL腐女 (I) 第 5 集

腐女，泛指喜愛男男愛情﹙Boys’ Love，BL﹚作品的女性族群。隨著動漫文化興起，數十年來「腐女」族群由日本擴散到東亞及歐美各國。

S1 · E6 · 2016年5月12日

BL腐女 (II) 第 6 集

腐女最强大的力量，是能將世事萬物看透成BL。近年，腐女勢力以超高速增長，男男曖昧關係的幻想對象由二次元進化到現實，並以極高的滲透率攻陷社交網站。

S1 · E7 · 2016年5月19日

地產代理 第 7 集

就算你窮到連窮人恩物都買唔起，你都總會試過被「地產代理」叫你睇樓 ; 你可能聽過唔少地產代理嘅無良傳聞，又或者羨慕佢地搵好多。

S1 · E8 · 2016年5月26日

異國戀 第 8 集

有人批評港女愛「洋腸」是盲目崇洋，有人話外國男成個 “Package” 都佔優，床上功夫更技勝一籌，撐港女愛「洋腸」正常不過。

S1 · E9 · 2016年6月2日

的士司機 第 9 集

香港人每秒鐘幾百萬上落，趕時間坐的士是家常便飯，不過好多網民話坐的士好受氣，試過好多不公平待遇，嬲到轉用call車app。

S1 · E10 · 2016年6月9日

空姐 (I) 第 10 集

以為機艙上顧客永遠是對的？錯﹗以為空姐笑容滿面好欺負？大錯特錯﹗正所謂寧得罪機師莫得罪空姐，機艙上食粥食飯還是食杯麵都由她們操縱。

S1 · E11 · 2016年6月16日

空姐 (II) 第 11 集

空姐身光頸靚周遊列國，讓人羡慕又嫉妒。貴客蠻客惡客屢見不鮮，最難搞的不是土豪大媽印度客卻是港燦。不要以為空姐的工作只是斟茶遞水，危急關頭她們的專業知識可能救你一命﹗

S1 · E12 · 2016年6月23日

殯儀業界人士 第 12 集

利申: 本集內容不涉及鬼故成份，觀眾切勿有所期望。而半小時內容將會包括業界秘密及秘聞，如葬禮價究竟可以有幾 “海鮮”? 化妝師、堂倌、殯儀策劃師，誰人食水最深?

S1 · E13 · 2016年6月30日

酒吧 (I) 第 13 集

夜場同埋酒吧相信你總會去過，入得去通常都係想「飲嘢」同「搵嘢食」 ; 不過晌裏面做嘢嘅四位員工就爆料你知，有咩最易中伏嘅嘢飲同獵物，教你晌入面趨吉避兇，呃飲呃食呃drink液。

S1 · E14 · 2016年7月7日

酒吧 (II) 第 14 集

上集酒吧從業員，講完啲客人點樣呃飲呃食呃drink液 ; 今集就會講下佢地自己有咩精彩經驗，由艷遇講到明星客人，撞鬼經歷講到麻煩客人。無保留盡爆夜場酒吧陰暗面。

S1 · E15 · 2016年7月14日

荷官 (I) 第 15 集

荷官，又名莊荷，屬於大中華地區澳門獨有職業，揹起成個澳門經濟。以往神秘高尚，演變至近年平凡到成個澳門都係。你睇佢風光，其實近年慘無人道。

S1 · E16 · 2016年7月21日

荷官 (II) 第 16 集

今集荷官繼續大爆賭場潛規則，唔同崗位「社會人仕」於賭場點如何搵食、仲有賭場術語同埋出千嘅方法 ; 數盡你個個月入賭場都未必知道的賭場秘密。

S1 · E17 · 2016年7月28日

零售業 第 17 集

行入舖頭買嘢，俗稱sales屎嘅售貨員一定四萬咁口對住你，其實佢地諗緊乜你又知唔知? 到你比錢買咗件用膠袋裝住嘅貨，入面件衫係咪乾淨你又知唔知?

S1 · E18 · 2016年8月4日

陰陽眼 (I) 第 18 集

為驗明正身，四位堪稱有陰陽眼的人士，走入同事口中「周身唔聚財」的剪接房，鑑證房中的靈體位置是否一致之外，更會一同公開陰陽眼中的鬼影重重，與電影電視情節有何分別。

S1 · E19 · 2016年8月11日

陰陽眼 (II) 第 19 集

四位嘉賓大爆比常人多一隻「陰陽眼」的好處壞處，天生異稟，有人用盡方法避之則吉、有人用得其所、甚至叫靈體幫忙考試出貓。

S1 · E20 · 2016年8月18日

職業蒲女 第 20 集

喜愛夜蒲就等同「速食浪漫」，只怪少年你太年輕了，如果你每晚在同一酒吧，遇上同一位甚至同一群美女，她們會主動搭訕，但當你提議轉場時，又會斷然拒絶，極度可能你遇上一位/群「職業蒲女」。

S1 · E21 · 2016年8月25日

婚姻介紹 第 21 集

歲月催人，光陰不再，您還是孤單一人？每當夜欄人靜，可曾想過得到了甚麼？找一層樓，您會找地產公司；找一份工作，您會找職業介紹所；那麼，找一個Life Partner， 您又會找誰幫忙？

S1 · E22 · 2016年9月1日

更生人士 (I) 第 22 集

通櫃最好排龍尾、洗手盤炒飯的奧秘、搣得一手好橙是囚犯的浪漫，用巧手將牛肉乾魷魚絲劣食變美食…鐵窗生涯是黑獄斷歌、還是一獄一世界？四位更生人士將電視電影外的監獄生活如實報道。

S1 · E23 · 2016年9月8日

更生人士 (II) 第 23 集

傳聞話︰獄中有煙洗得鬼推磨︰替工美食刮沙全套連按摩、解悶良伴竟然玩下體鑲珠、風化犯下場最慘、同太平紳士申請福利係人民公敵？四位更生人士繼續大爆監獄血肉風雲。

S1 · E24 · 2016年9月15日

天體愛好者 第 24 集

在香港，好多東西你以為有，但原來冇，同理，當你以為無可能有時，卻正正存在，天體愛好者就是其中之一，究竟這群人如何遊走於犯法與興趣之間? 他們又是否一群喜歡裸露的變態?

S1 · E25 · 2016年9月22日

餐飲業 (I) 第 25 集

大部份香港人一日三餐都在街上解決，但餐廳內幕你又知幾多？餐廳裡不同崗位經歷各有不同，四位餐飲從業員訴辛酸之餘，還會大爆行內奇妙男女關係！

S1 · E26 · 2016年9月29日

餐飲業 (II) 第 26 集

膠拖鞋炒飯、五星酒店造假、米芝蓮老鼠廚房…以上種種絕對不止江湖傳聞!!4位來自飲食界的嘉賓繼續與觀眾分享餐廳秘聞!

S1 · E27 · 2016年10月6日

靈魂出竅 (I) 第 27 集

世界各地經常發生瀕死時靈魂出竅的現象，但原來並非一定要死，先可以做到靈魂出竅，只要多加練習，普通人如你我都可以做到，今集四位嘉賓就會分享自身經驗，而廸偉更加是靈魂出竅界的天才。

S1 · E28 · 2016年10月13日

靈魂出竅 (II) 第 28 集

今集四位嘉賓除了會繼續分享自身靈魂出竅經驗外，更會解釋他們認為靈魂的真面目、前世今生、因果等等不一樣的定義，當中包括為什麼有些人的人生會充滿挫折、不幸以至危難。

S1 · E29 · 2016年10月20日

健身室 第 29 集

健身中心不良營銷手去層出不窮，小市民隨時有入無出！遇著黑心教練玩殘顧客，評估房困獸鬥又係咩玩法？騎呢客人騎呢事，你自己做過幾多樣呢？幾位健身中心教練同職員，大爆健身室暗人暗事。

S1 · E30 · 2016年10月27日

旅遊業 (I) 第 30 集

今時今日去旅行唔再係有錢人先可以，不過$699華東5天團係咪真係咁筍？你以為手信就係當地特產？分分鐘係旅行社由生產線一手包辦！去旅行住酒店唔好住頭尾房仲要敲門？

S1 · E31 · 2016年11月3日

旅遊業 (II) 第 31 集

今時今日好多人當自己係客就大晒，但係惡人自有惡人磨，遲到、野蠻、多要求、得罪領隊，小則開車走人無面俾，仲隨時被扣留香港都返唔到！4位嘉賓繼續同你暢談帶團樂與怒！

S1 · E32 · 2016年11月10日

救生員 第 32 集

夏天為大地帶嚟美腿，仲為救生員帶嚟好多靚女！救生員職責除咗拯救遇溺者，更加要拯救泳客寂寞嘅心？睇落好悠閒嘅工作，原來可以得閒到捉蟹煲粥、養魚做副業！

S1 · E33 · 2016年11月17日

婚禮司儀 第 33 集

有人笑謂「搞婚禮如做騷」，唔止新人倆容易為小事嗌霎，兩邊親家甚至遠房親友聚首一堂之際，新仇舊恨一觸即發。作為婚禮司儀，遇上突發事，當真心血少發個台瘟不懂反應，都隨時臭名遠播。

S1 · E34 · 2016年11月24日

教師 (I) 第 34 集

好多人認為老師是一份神聖工作，負責將知識傳授下一代，教曉做人道理。但老師都是人，都會攰，都會有情緒，都會講粗口﹗面對做作同事、怪獸家長、麻煩學生，有時佛都有火﹗

S1 · E35 · 2016年12月1日

教師 (II) 第 35 集

人人覺得老師人工高、假期多、退休公積金夠過世，絕對是天下無敵勁荀工﹗但老師戴住頭盔親自剖白：「有苦自己知﹗」

S1 · E36 · 2016年12月8日

PR (I) 第 36 集

每集將會以「同路素人」為主角，以四人為限，如「空姐」、「消防員」、「拍親拖都畀人飛」、「男人三十毒男」等，各自戴上真‧頭盔作身分保密第一大防線。

S1 · E37 · 2016年12月15日

PR (II) 第 37 集

真正的幕後玩家從來都冇PR份，4位來自不同界別、自稱食物鏈最底層的PR繼續大爆明星奀星人前人後兩個樣，經理人如何挑戰PR底線，繼續做PR是虛榮、還是自虐？

S1 · E38 · 2016年12月22日

曾服兵役的男子 (I) 第 38 集

雖然有不少港男都甘願當兵，不過「此兵不同彼兵」，今次的三位嘉賓就真正分別於新加坡、加拿大及台灣服役，究竟做 「真」兵的日子，是苦是甜? 還有什麼有趣的事發生呢?

S1 · E39 · 2016年12月29日

曾服兵役的男子 (II) 第 39 集

三名新加坡兵、加拿大兵以及台灣兵除了會繼續分享他們「做兵的日子」外，更加會揭破電影內不合理的橋段，包括手蹓彈、機關槍等等武器的真正性能及運用方法，各位軍事迷，敬請留意!

S1 · E40 · 2017年1月5日

保險從業員 第 40 集

保險佬仲係呃你十年八年、斷六親、專碌朋友卡？今集四位保險從業員現身大平反，大爆害群之馬如何做臭保險業名聲之餘，更公開自己作為保險佬都唔會買嘅保單

S1 · E41 · 2017年1月12日

私家偵探 (I) 第 41 集

想成為一位出色嘅私家偵探，你需要嘅唔係聰明頭腦或敏捷身手，而係一張大眾臉！低存在感、毫不起眼嘅氣場，喺偵探嘅世界絕對係跟蹤查案嘅成功因素。

S1 · E42 · 2017年1月19日

私家偵探 (II) 第 42 集

捉姦、捉姦、再捉姦！除咗捉姦，私家偵探仲會查咩案？私家偵探就如走鋼索的人，一不留神，隨時犯法斷送前途！究竟私家偵探遇過咩嘢離奇經歷？等佢哋現身說法。

S1 · E43 · 2017年1月26日

機師 (I) 第 43 集

機師一直是港女心目中的笪盤之一，但事實跟理想總有出入，究竟相差幾遠呢? 今集請來四位機師，分享他們表面「花心多金」，背面要看空姐面色的辛酸事，最後，更會大爆倫敦海關的黑暗面。

S1 · E44 · 2017年2月2日

機師 (II) 第 44 集

今集，四位機師會繼續分享機師工作有多「優」，如惡劣的工作環境、難頂的「Old Seafood」，以及在技術層面上，機師有多容易置全機乘客於死地等等行內秘聞。

S1 · E45 · 2017年2月9日

𡃁模 (I) 第 45 集

「靚模」一直在大眾心目中都是一個貶義，跟拜金、釣金龜，整容、隆胸、飯局總是扯上關係，今集就會從「事業線」開始，由四位靚模講出她們的辛酸及行內秘聞。

S1 · E46 · 2017年2月16日

𡃁模 (II) 第 46 集

人工追不在「事業線」的「通脹」(由C級變成I級)，一眾靚模又如何突圍而出，成為那少數的「娜姐」、「Baby」呢?

S1 · E47 · 2017年2月23日

紙媒: 雜誌 (I) 第 47 集

你有幾耐無買過報紙雜誌呢? 咁你又知唔知上年香港少咗幾多本週刊雜誌? 香港人最鍾意無咗先嚟懷念同珍惜，所以我地就請嚟4位雜誌從業員，比大家了解呢個陪我地曾共渡過漫長歲月，瀕臨絕種嘅雜誌行業。

S1 · E48 · 2017年3月2日

紙媒: 雜誌 (II) 第 48 集

現代人免費資訊泛濫，淨係打開社交媒體就已經有睇唔完嘅內容 ; 要你拎$10出嚟買本雜誌，你就梗係唔制啦。咁少咗咁多週刊雜誌，對你地嘅生活又會唔會有影響? 究竟邊個先係殺死紙媒嘅兇手?

S1 · E49 · 2017年3月9日

KOL (I) 第 49 集

KOL，全寫Key Opinion Leader，在外國，有名有利; 但在香港，就變成「呃飯食」、「耍大牌」、「博出名」的一群劣評「老鼠」，人人喊打。

S1 · E50 · 2017年3月16日

KOL (II) 第 50 集

有留意節目的朋友，都知道一眾PR、記者都對KOL劣評如潮，大致可歸納成四大罪狀，包括「無料扮四條，呃飯食」、「耍大牌、遲到、早走」、「菠蘿雞一味靠黐」、「買假LIKE」，有請四位KOL解說。

S1 · E51 · 2017年3月23日

手作職人 第 51 集

近年手作興起，個個周末都有市集，唔少年輕人都投身手作尋夢。不過其他地方文創同市集咁長壽命，點解偏偏香港熱潮來得快去得快呢? 香港製造呢個昔日著名標籤，今日又淨低咩價值呢?

S1 · E52 · 2017年3月30日

機場地勤 (I) 第 52 集

你會唔會以為做親航空公司就係叫空姐? 定係以為「地勤」係指喺機場跑道做嘢嘅工作人員? 其實你上機前，差唔多每個幫緊你嘅航空公司職員都係地勤人員。咁你估請咗佢地上嚟會有啲咩故仔聽?

S1 · E53 · 2017年4月6日

機場地勤 (II) 第 53 集

為咗滿大家貪小便宜嘅求知慾，今集幫大家問地勤︰究竟點樣可以呃到upgrade機位? 究竟貼咗易碎貼紙係咪有用? 仲有幾多常見嘅無知同謬誤行為? 就由四位講比你知。

S1 · E54 · 2017年4月13日

機場地勤 (III) 第 54 集

講完唔同明星名人晌機場有啲咩特殊待遇，無理由唔提埋特事特辦事件掛? 究竟行李咁樣過安檢合唔合法? 究竟有無其他方法解決? 問幾位聲稱唔在場嘅地勤就啱曬喇。

S1 · E55 · 2017年4月20日

化妝師 第 55 集

化妝師作為人肉Photoshop，如何化腐朽為神奇？以為化妝師幫人扮靚，輕輕鬆鬆掃幾下有錢落袋？化妝師工作又豈止咁簡單！舟車勞頓、日曬雨淋、忍氣吞聲，同行良莠不齊，專業容易被睇低，有苦自己知。

S1 · E56 · 2017年4月27日

巴士業 (I) 第 56 集

今集巴士業界人士除了會繼續控訴港客的無理指責及他們在巴士上的陋習外，亦會更新一些，如: 巴士上已經沒有安裝「潛望鏡」等等有關巴士的冷知識。

S1 · E57 · 2017年5月4日

巴士業 (II) 第 57 集

巴士業界流失率相當高，四位業界人士就直指因司機需獨力承擔巨大責任，而不獲公司任何支持有關，如遇上小車禍，司機需獨力賠償公司及對方車輛的損失等等實例，都讓業界人士心灰意冷。

S1 · E58 · 2017年5月11日

酒店從業員 (I) 第 58 集

香港貴為旅遊城市，酒店幾乎日日full book。酒店從業員每日面對嚟自世界各地嘅客人，處理各式各樣嘅要求，由豪客到偷情客，由換房到開房。

S1 · E59 · 2017年5月18日

酒店從業員 (II) 第 59 集

香港人最鍾意旅行，去旅行點少得book酒店。酒店有千種萬種江湖傳聞，客人毛巾會用嚟清潔，水煲隨時裝過屎尿，房間死過人都照賣，尾房係咪一定有鬼？

S1 · E60 · 2017年5月25日

肥仔 第 60 集

肥人無罪，申訴有理。肥仔嘅成長過程，單單都有血有淚。邊個話肥仔一定姓「死」？邊個話肥仔媾唔到女？甚至有人話肥仔係一隻潛力股，揀男朋友識揀一定揀肥仔添！

S1 · E61 · 2017年6月1日

港聞記者 (I) 第 61 集

睇一則新聞，可能只需要幾分鐘，但跑一單新聞，隨時做足幾廿個鐘。新聞記者見盡社會千形百態，但最精彩往往係鏡頭後嘅奇人奇事。邊個係真小人，邊位係偽君子? 行內又有邊啲邪門嘅靈異故事?

S1 · E62 · 2017年6月8日

港聞記者 (II) 第 62 集

新聞記者呢行出名人工低，有時跑新聞分分鐘會被困同被恐嚇，又要面對行家之間為求搶先報導嘅爾虞我詐，都仲未計返內地採訪會遇到嘅奇聞怪事。呢行咁惡啃，點解佢哋仲肯留喺度燃燒青春?

S1 · E63 · 2017年6月15日

救護員 (I) 第 63 集

頭暈？CALL白車喇！整親？CALL白車喇！等等！其實救護員好討厭市民稱呼救護車做白車，同埋唔該諗清諗楚唔好濫用救護車！救護員可以話係日日做到無停手，行屍走肉無朋友。

S1 · E64 · 2017年6月22日

救護員 (II) 第 64 集

有幾多人知道救護員原來係隸屬消防處嘅紀律部隊？所有政府、公務員會發生嘅官僚問題，救護員一樣遇到，擾人政策仲鑊鑊新鮮鑊鑊甘。咪以為消防救護一家親，其實關係惡劣過大婆同二奶。

S1 · E65 · 2017年6月29日

宿生 第 65 集

住HALL被喻為係讀大學必做的五件事之一，係呢個地方你可能會遇上你既靈魂伴侶、出生入死既好兄弟又或者係可以陪你傾八卦傾足一世既閨蜜。愛幻想既你係咪已經FF緊入到大學宿舍後的各種艷遇、奇遇？

S1 · E66 · 2017年7月6日

主題公園員工 (I) 第 66 集

「主題公園」，一個充滿夢幻嘅奇妙世界，但對一班喺主題公園工作嘅職員嚟講，隨時係一個悲慘世界。客人打尖變打交、難以理解嘅衛生習慣，加埋各種各樣罔顧公德嘅行為….

S1 · E67 · 2017年7月13日

主題公園員工 (II) 第 67 集

喺主題公園返工，福利多、朋友多，加埋免費入場樂趣多，係人諗起都笑呵呵。份工真係咁筍?

S1 · E68 · 2017年7月20日

海員 (I) 第 68 集

世上有一種職業名叫「海員」，佢地一行短則半年，長則分分鐘要年半至兩年先番到屋企。究竟成班「麻甩浪子」係冇網絡、冇電話既情況下可以點自娛？

S1 · E69 · 2017年7月27日

海員 (II) 第 69 集

有人話行得船既都係浪子，而做得浪子既當然就係要處處留情，究竟呢班浪子係咪每個國家都收埋一件後宮佳麗？私生子一蘿蘿？究竟今時今日科技甘先進，又有咩新招可以對付傳說中既海盜王？

S1 · E70 · 2017年8月3日

童星 (I) 第 70 集

細細個上電視也文也武嘅童星，大個咗到底係依然咁牙擦、定係完全走哂樣? 童星贏在起跑線、幾歲仔手揸幾層樓嘅都市傳說係堅定流?

S1 · E71 · 2017年8月10日

童星 (II) 第 71 集

童星唔再「童」，冇得撈點算? 踏入青春期，童星最不堪回首嘅尷尬情況係點? 片場以外嘅校園生活，童星身份為一班大細路帶嚟咩怪事或者麻煩?「童星」到底係光環定標籤?

S1 · E72 · 2017年8月17日

唱片業從業員 第 72 集

鏡頭前個個都係天王天后，但你地又有冇諗過佢地成功背後存在住一班十八般武藝樣樣精通嘅幕後推手？究竟全盛時期嘅香港樂壇有幾紙醉金迷？天王天后可以有幾難服待？

S1 · E73 · 2017年8月24日

金融炒家 第 73 集

一班秒秒鐘幾百萬上落嘅炒家，一賺一蝕隨時係普通人幾十年嘅人工。成大事者不拘小節，賺大錢嘅更加係六親不認，要成為獨市贏家，老婆仔女都可以係賺錢嘅犧牲品。

S1 · E74 · 2017年8月31日

嘩鬼 第 74 集

每年鬼門關一開，一眾嘩鬼就會湧入凡間四圍嚇人。你以為做鬼好威好過癮? 其實仲慘過做人! 俾人鹹豬手不在話下，嚇人唔成仲要被人打，時運高隨時見到「真兄弟」飄下飄下，仲未計化妝化到爛面留疤……

S1 · E75 · 2017年9月7日

單身狗 (I) 第 75 集

單身狗點解一定係「狗」唔係「貓」？最慘試過點樣畀人花式請食檸檬？葡萄成熟時，單身狗對邊類人最火滾？最惡哽嘅情侶互動又係點？四隻單身狗帶你進入佢哋嘅孤獨世界！

S1 · E76 · 2017年9月14日

單身狗 (II) 第 76 集

街裡愛人一對對，容易受傷嘅單身狗點樣麻醉自己？寂寞到走火入魔，單身狗點樣報仇？除咗空虛寂寞凍，單身狀態對仲會帶嚟咩麻煩同誤會？今晚，單身狗反擊戰！

S1 · E77 · 2017年9月21日

魔術師 第 77 集

投身魔界嘅門檻到底有幾高？面對超級老尷嘅失手情況，點樣完美執生？邊類魔術師份人最惡哽？「魔術大揭秘」對一班魔術師嚟講又係咩玩法？三位魔術師現身說法！

S1 · E78 · 2017年9月28日

台灣女婿 (I) 第 78 集

從不能說的秘密嘅路小雨,到那些年我們一起追過嘅沈佳宜，相信每個少男心入面都住着一個神聖不何侵犯嘅台妹女神。但真係可以坐言起行，越洋過海覓得如意台妹為港爭光嘅又有幾多個？

S1 · E79 · 2017年10月5日

台灣女婿 (II) 第 79 集

從古至今，女人都係一種追到前讓你有無限遐想，追到後就另一個樣嘅生物，台妹又會唔會係例外？

S1 · E80 · 2017年10月12日

臨記 (I) 第 80 集

臨記入行易唔易？發明星夢又想極速上位，點樣奇招突圍？邊類Job最搵錢、最多臨記爭？搵食艱難，傳說中嘅呃鐘錢大法又係點樣煉成？精神啲，臨時演員都係演員嚟！

S1 · E81 · 2017年10月19日

臨記 (II) 第 81 集

一犯即死嘅老臨誡條係點樣？見盡片場百態，邊個明星最大牌、人前人後反差最大？老臨界最九唔搭八嘅Job竟然係絕世荀工？臨記係咪片場食物鏈最底層？今晚，臨記血淚史！

S1 · E82 · 2017年10月26日

CS (I) 第 82 集

「每個人都接觸過客服，唔通人人都想做客服咩?」，今集就請來電話熱線客戶服務員以及商場客服分享行內辛酸。

S1 · E83 · 2017年11月2日

CS (II) 第 83 集

上集四位電話熱線的客服以及商場客服都分別分享了他們遇到的麻煩及變態客人，今集他們會繼續分享曾經遇到的奇怪客人，如為兩毫、三元都非常堅持的婆婆及扮ABC的港女。

S1 · E84 · 2017年11月9日

交友apps玩家 第 84 集

拜科技所賜，交友apps出現尤如打通大家嘅任督二脈，將人與人之間嘅緣份無限延伸。但係咪真係只要輸入簡單嘅個人資料同你嘅要求，就可以不愁寂寞，要乜有乜？

S1 · E85 · 2017年11月16日

診所護士(I) 第 85 集

早期節目曾經邀請任職公立醫院的四位護士接受訪問，大爆行內辛酸，深受歡迎，所以今次再次請來三位任職不同類型診所的護士，她們的工作性質與公立護士大有不同，更有不少趣聞。

S1 · E86 · 2017年11月23日

診所護士(II) 第 86 集

診所內的趣聞日日有，有些更留上深刻印象，今集三位診所護士會繼續分享，如在做婦科檢查時，意外被「破處」的四十多歲阿姨; 做了16年女性，做身體檢查後才發現自己是男性的少女/男等等。

S1 · E87 · 2017年11月30日

職業司機 (I) 第 87 集

CALL車APP流行令不少人加入職業司機行列，當中不乏管理及專業階層，連踩兩份工究竟為乜？一程車的距離點樣可以同乘客建立不同桯度嘅關係？艷遇怪客日日喺車尾上演？

S1 · E88 · 2017年12月7日

職業司機 (II) 第 88 集

面對的士大哥這宿敵，職業司機如何應戰？車廂內叉電線紙巾雨傘一應俱全，必殺技始終都係肯過海、冇交更兼任勞任怨。最討厭乘客行為係乜？態度最差嘅乘客會唔會又係香港人？

S1 · E89 · 2017年12月14日

社工(I) 第 89 集

社工即係義工？縱橫黑白兩道嘅麻辣社工又係咪存在？同工不同酬，新仔社工點樣對抗一班賴死唔走嘅老海鮮？清潔姐姐竟然係中心同學校嘅權力核心？佢哋大鑊喇，方丈份人好小器！

S1 · E90 · 2017年12月21日

聖誕老人 第 90 集

想做聖誕老人係咪一定要夠肥？港式聖誕老人點樣土法練馴鹿？比起外國嘅家長同小朋友，香港人係咪真係難服侍十倍？最離奇嘅聖誕願望又係乜嘢？Merry Christmas～

S1 · E91 · 2017年12月28日

社工(II) 第 91 集

人人壓力爆煲搵社工，社工爆煲又點算？最離奇嘅client同工作又係乜嘢？做社工係咪真係好似電影咁熱血？社福界最蠱惑嘅制度點樣跣到一班社工灘灘腰？沒有最慘，只有更慘！

S1 · E92 · 2018年1月4日

愛滋病感染者及親屬(I) 第 92 集

由1981年12月1日首次發現愛滋病病例之後，愛滋病一直被污名化，從而令到愛滋病感染者一直面對社會上嘅歧視。到咗今日，呢種情況仍未有改變，甚至更嚴重。

S1 · E93 · 2018年1月11日

愛滋病感染者及親屬(II) 第 93 集

因醫護嘅歧視，令到受傷者得不到即時嘅治療; 愛滋病患者患上腦炎，卻被醫院及院舍如人肉足球般踢來踢去; 聽過三位嘉賓嘅經歷之後，相信大家都會發現 - 無知帶來不必要嘅訛誤，訛誤帶來更多嘅歧視。

S1 · E94 · 2018年1月18日

髮型師(I) 第 94 集

面對客人每個月嘅「外貌重建工程」，髮型師單靠一把較剪，就可以幫班客仔改頭換面，將佢哋豬扒變女神、薯嘜變潮人!

S1 · E95 · 2018年1月25日

髮型師(II) 第 95 集

髮型師呢行，表面好有型，做落就知好慘情。一話要入行，父母即時阻止你，皆因以前呢行陋習多到痺：開工吸毒仲要出口術偷雞已經夠離奇，返工時間明目張膽賭到飛起，難怪呢行形象差到貼地。

S1 · E96 · 2018年2月1日

紋身業界工作者(I) 第 96 集

大部分人總會對有紋身嘅人退避三分，作為一位紋身業界工作者到底係抱住點樣嘅覺悟同心態入行去為每一位客人刺上永恆的印記？佢地初出茅廬的時候又係點樣尋找到第一位信任自己嘅客人呢？

S1 · E97 · 2018年2月8日

紋身業界工作者 (II) 第 97 集

好多人會話紋身係有型、有性格、有想法嘅象徵，但如果係紋錯位置、圖案甚至係紋錯字仲型唔型呢？究竟紋身師紋錯嘅時候可以有咩補飛辦法？佢地從業以來遇過最奇怪、無厘頭嘅客人又係點？有無一啲要求係佢地多多錢都唔會接？？

S1 · E98 · 2018年2月15日

玄學家 第 98 集

臨近新正頭，亦係一班玄學家大顯身手嘅時候。所以今次請嚟四位玄學界高手，擺下擂台陣等佢哋高手過招! 到底睇凶宅睇到嘔白泡勁啲，定係算命算到個客差啲鬧離婚神奇啲?

S1 · E99 · 2018年2月22日

Double May（大波妹） 第 99 集

「Double May」者，「大波妹」之音譯也。有人話，乳溝才是女人最佳的武器，真正的事業線。別人都認為擁有深長事業線的「Double May」，人生事業早已贏在起跑線。

S1 · E100 · 2018年3月1日

空少 (I) 第 100 集

「又要威又要戴頭盔」踏入一百集大壽，邀請歷來最受歡迎兼最高收視主題—空姐，嘅朋友空中少爺（男空中服務員），再次大爆機艙秘聞：crew meal係點解？空少有乜著數？頭等艙美食最終畀邊個食晒？

S1 · E101 · 2018年3月8日

空少 (II) 第 101 集

最離地嘅秘密越揭越多：十個空少九個GAY? 機艙係最恐怖嘅細菌溫床？對付諸多要求嘅麻煩客人，最毒嘅殺手鐧又係點樣？寧得罪地勤，莫得罪空少！

S1 · E102 · 2018年3月15日

街頭推鎖員(街霸) 第 102 集

號稱街頭霸王、傳說月入5萬起跳嘅街頭推銷員，一直係地表上最貼地兼最神秘嘅工種。全盛時期一個月開到幾多張單、搵到幾多錢？十八區街霸勢力分佈亂到打仗咁？冇單開又唔想捧蛋收場，街霸求生手冊又係點教路？江湖事，江湖了！

S1 · E103 · 2018年3月22日

鋼管舞蹈員(I) 第 103 集

鋼管舞往往被視為一種與色情娛樂掛鉤，收入全靠客人們嘅打賞，鋼管舞就等同唔正經、不務正業、不三不四？但真正嘅鋼管舞文化到底又係咪咁？

S1 · E104 · 2018年3月29日

鋼管舞蹈員 (II) 第 104 集

要成為一位專業嘅鋼管舞蹈員難免要承受一眾旁人嘅側目同閒言閒語，到底佢地又係點樣克服種種難關，堅持到底？而佢地入行以嚟遇過最無理或變態嘅客人要求係點？遇過最尷尬嘅演出經驗又有幾咁不堪回首？

S1 · E105 · 2018年4月5日

消防員 (I) 第 105 集

細細個寫消防員做「我的志願」，大個有幾個會夢想成真？消防員由面試到學堂訓練日日體能大爆發，胸肌腹肌係點練返嚟？返一放二係咪想像中咁「荀」？打排球是必學技能？四個英勇消防員上陣為大家分享救人以外的消防日常。

S1 · E106 · 2018年4月12日

消防員 (II) 第 106 集

嘉利大廈、牛頭角迷利倉大火…消防員第一身接觸天災人禍，最接近生死一刻係點？面對血肉模糊的場面如何調整心理狀態？見慣生離死別，自己又點睇生死？四位消防員繼續訴說火場意外內外的獨家場面。

S1 · E107 · 2018年4月19日

小編 第 107 集

每一個粉絲專頁背後，都有一個甚至一班勞苦功高的小編！一做小編深似海，不論何時何地，只要有網絡，都要滿足僱主及客戶的要求。

S1 · E108 · 2018年4月26日

流行歌手 第 108 集

「流行歌手」，泛指演唱流行曲的人士，又名「歌星」、「偶像」。會根據人氣和知名度被分為一線、二線及三四線。「流行歌手」一般會賣身給唱片公司，以換取出道及發展機會。

S1 · E109 · 2018年5月3日

廣告人 第 109 集

今集《又要威又要戴頭盔》請嚟三位專業嘅廣告入同大家分享到底係咩原因令佢哋冒住斷六親嘅風險仍然堅持做廣告！

S1 · E110 · 2018年5月10日

手機維修員 (I) 第 110 集

喺人人幾部手機揸手嘅年代，手機維修行業唔止運作正常，近年仲做到成行成市。行內除咗有一班擔當手機醫生角色嘅砌機師傅，更多嘅竟然係「妙手人渣」？最伏嘅維修陷阱又係點樣？手機商場，十面埋伏！

S1 · E111 · 2018年5月17日

手機維修員 (II) 第 111 集

手機商場地雷處處，但炸到損手爛腳嘅又點止係客仔，就連行家都會中招！知慳識儉嘅客仔為咗攞著數可以去到幾盡？坊間流傳嘅廠商陰謀又係堅定流？砌機師傅一肚氣之餘，繼續踢爆你部手機不為人知嘅秘密！

S1 · E112 · 2018年5月24日

人力資源部 (I) 第 112 集

想搵到絕世好工，一定要過關斬將，而首個關卡一定就是公司人力資源部。每日閱人無數的HR，如何一眼篩出合適人選？打工仔日日為追求絕世好工各出奇謀，為得到心儀工作，求職者可以去到幾盡？

S1 · E113 · 2018年5月31日

人力資源部 (II) 第 113 集

人人都以為，一間公司最舒服就是人力資源部。殊不知大公司大小事務都需要他們，除了面試請人，HR部門還要查案、心理輔導、唱歌跳舞、主持晚會…還要成為同事出氣袋！儲儲埋埋一堆職場上的苦水，三位HR係時候喺節目之中大爆各種職場怪事。

S1 · E114 · 2018年6月7日

足球員 (I) 第 114 集

世界盃即將開鑼，一班好波之人，由足球場踩上《頭盔》現場，講吓球圈內嘅趣聞。

S1 · E115 · 2018年6月21日

足球員 (II) 第 115 集

為咗踢波，一班足球員可以去到幾盡? 有人月薪得幾千銀，窮到要薯片送飯；有人踢到無班落，熱血到離開球圈瘋狂打工再回歸球壇；亦有人為咗錢，受唔住誘惑而打假波揸流攤。

S1 · E116 · 2018年6月28日

銀行職員 (I) 第 116 集

一講到錢銀，大家立即打醒十二分精神。到底一間銀行有幾多錢？職員快過機器的數鈔技能如何練成？電影中堆滿現金珠寶的金庫現實又如何？原來除了有賊，還有一種人需要按緊急掣？

S1 · E117 · 2018年7月5日

銀行職員 (II) 第 117 集

一樣米養百樣人，一個櫃檯每日更要處理數以百計的顧客要求。當中有不少貴客、奇客提出刁鑽問題、燥狂客人無理投訴、甚至親友們想攞著數的要求……三位銀行界前線戴上頭盔，講出面對各種客人的各種心酸。

S1 · E118 · 2018年7月12日

電台人 (I) 第 118 集

好多聽電台大嘅小朋友，都曾經立志大個要做DJ。以為入到電台做就夢想成真? 其實可能係惡夢降臨! 一條幾分鐘嘅聲，可能要你瘋狂通頂剪到有家歸不得；一杯唔啱溫度嘅水，會令你受到魔鬼前輩幾個月嘅潑水式洗禮

S1 · E119 · 2018年7月19日

電台人 (II) 第 119 集

喺得電台界打滾，好多人都想平步青雲，但電台人之間嘅鬥爭，分分鐘比娛樂圈更黑暗。為咗上位，有人喺背後搶人哋嘅嘉賓，甚至喺仇家嘅節目裡面做手腳，等佢中招出醜永不翻身。

S1 · E120 · 2018年7月26日

地盤佬 (I) 第 120 集

「地盤佬唔同以前㗎喇！」聽聞而家啲地盤佬又大隻又靚仔又有錢，個個都係潛力股，所以啲姊妹話識揀一定揀地盤佬做男朋友。今集《又要威又要戴頭盔》會介紹四位地盤佬俾大家，一於聽下佢哋係地盤嘅故事，睇下佢哋係咪明正言順嘅優質股！

S1 · E121 · 2018年8月2日

地盤佬 (II) 第 121 集

上集講到做地盤咁好搵，大家係咪即刻想「做個職安真漢子，承擔起改變要堅決」。不過決定入行之前，大家要停一停諗一諗。

S1 · E122 · 2018年8月9日

陪月員 (I) 第 122 集

公公、婆婆、爺爺、嫲嫲堪稱「四大牛鬼蛇神」？乳頭識認BB嘴？當個胸塞奶，俾爸爸啜一下就通晒？Ladies & gentlemen，有B定無B，陪月教路，你梗係要聽！因為屋企一人生仔，真係全家有責（難）

S1 · E123 · 2018年8月16日

陪月員 (II) 第 123 集

【騎呢客出沒注意】一個BB就引到佢哋現晒形啦：港女阿媽、Kidult阿爸、刁蠻長老、鹹濕爺爺、貪心姑奶……你以為陪月真係湊下B，煮下飯咁簡單？究竟係咩驅使四位嘉賓喺困獸鬥環境下工作呀？

S1 · E124 · 2018年8月23日

收數佬 (I) 第 124 集

收數難，做個合法的收數佬更難。收數佬如何甘心入行，徘徊在黑白兩道之間，兩面不是人？精密而合法的收數程序如何？收數佬自比有律師和偵探的自信何來？三位前任現任收數大哥，大談收數行業專業如金融界最後守門員，以正視聽。

S1 · E125 · 2018年8月30日

收數佬 (II) 第 125 集

收數佬閱人無數，債仔有心還錢與否一目了然，彪形大漢的外表，其實也有尹揚明柔情一面︰為兒子給撕票的父親追回訴訟費不惜工本，遇到家徒四壁的債仔會仗義幫忙。錢是萬惡之源，由收數佬細數金錢如何牽動大家的人情關係。

S1 · E126 · 2018年9月6日

新抱 (I) 第 126 集

史無前例八大新抱踩場公審奶奶們。初歸新抱是落地孩兒、是最強小三還是頂心杉？新抱大戰儲物狂奶奶、地獄廚神奶奶、偷窺型奶奶…如何自處？新抱奶奶水溝油是自招還是天性不容，由八大新抱連珠爆發與奶奶的恩怨情仇。

S1 · E127 · 2018年9月13日

新抱 (II) 第 127 集

八個女人何止三個墟，新抱們繼續申訴與奶奶間的衝突磨擦︰當奶奶討厭你的程度去到要打電話給親家投訴、又或是要用粗口天天關懷問候…新抱們留給最愛奶奶的一句說話，又是什麼？各位人夫孝兒，夾在阿媽老婆之間，看完這集，又如何拆撣…？

S1 · E128 · 2018年9月20日

高智商人士 第 128 集

通常一般人認為高智商人士係 #轉數快 #邏輯強 #唔洗溫書都成績好 #IQ高但EQ低 #覺得其他人蠢 #串 #識耍心計 #成功人士 #聰明有樣睇 #神童 …… 喺一大堆標籤背後，究竟佢哋自己係點諗？

S1 · E129 · 2018年9月27日

戲院職員 (I) 第 129 集

睇戲係好多香港人嘅日常娛樂，但戲院裡面嘅秘密，其實又有幾多人知? 爆谷究竟係日日新鮮製造，定係預先爆好? 喺戲院裡面，邊啲位置係望落乾淨，其實暗藏邋遢? 又有咩災難級情況，係會令職員做到喊晒口擰晒頭?

S1 · E130 · 2018年10月4日

戲院職員 (II) 第 130 集

香港地到處都係戲迷，但佢哋睇戲時嘅行為，真係令人不敢恭維。以為睇戲傾計、踢凳、亂拋垃圾好難頂? 其實更惡啃嘅大有人在!

S1 · E131 · 2018年10月11日

幼稚園老師 (I) 第 131 集

各位觀眾，為大家隆重呈獻《幼師的日與夜》— 怪獸家長何其多，上堂偷錄小兒科。OT令人單身，幼園人難搵有緣人。男幼師屬一級稀有物種，咁有無受保護先？幼師副業係紙紮，仲要北上煲冬瓜。

S1 · E132 · 2018年10月18日

幼稚園老師 (II) 第 132 集

【校長保你大】見慣怪獸家長嘅幼師，無論受幾多陰濕計、冤屈招都一一拆解，但原來終極大佬係校長！【小孩的禮物】陣陣異味傳入幼師鼻~有人瀨屎，不過無人肯認，呢個時候惟有靠大力吸氣！【求救又如何】遇著學生被家暴，老師梗係要上報，收到嘅回覆竟然係……

S1 · E133 · 2018年10月25日

教車師傅 (I) 第 133 集

你以為教車師傅人工高又霸氣足就係優差？首先要抽中一個難過六合彩嘅抽籤，仲要通過一個合格率極低嘅考試！返工每日有上堂冇落車、小個便都俾學生投訴、應付各種天才學神....四位教車師傅今次唔使扣好安全帶，齊齊戴實頭盔，同大家講講教車生活秘辛。

S1 · E134 · 2018年11月1日

教車師傅 (II) 第 134 集

學車咁辛苦，都係為咗順利考到個車牌。今集4位教車師傅將會分享考車試場嘅所謂「秘訣」：著靚啲一定考好啲？點樣「偶遇」好考官？點解考車前一定要帶錢？仲有各種學神變車神嘅道路驚險事，同埋師傅之間嘅行規禁忌......師傅們將會一路笑住講。

S1 · E135 · 2018年11月8日

肥妹 (I) 第 135 集

S1 · E136 · 2018年11月15日

肥妹 (II) 第 136 集

十個女人九個都減肥中。而每一個肥妹，都有她們的減肥血淚史：有人減到喊出嚟、有人減到而家都唔舒服。喺不停減肥又翻肥循環之中，肥妹們有乜生存之道？仲會講講肥妹身邊各式朋友，點利用呢一班重量級朋友。

S1 · E137 · 2018年11月22日

銀行熱線職員 (I) 第 137 集

搞乜銀行熱線成日等極無人聽？客等到一肚火，語氣唔慌好，甚至會開拖，不過職員都唔弱，識將電話較靜音嚟爆粗發洩！而且忟憎客算碎料，怪事天天多 — 強國富豪邀約、變態色情call、怪獸媽咪迫阿仔學溝通、情緒病人發狂……EQ低啲都聽到懷疑人生！

S1 · E138 · 2018年11月29日

銀行熱線職員 (II) 第 138 集

諗住銀行好似慈善騷咁有一百條線？得幾丁員工咋！唔止以一敵百，仲要時刻清醒K.O. 刁難，例如：老婆查老公戶口、挑機客裝陷阱、衰客發窮惡或者炫富等等。

S1 · E139 · 2018年12月6日

日本偶像的忠實粉絲 第 139 集

S1 · E140 · 2018年12月20日

卡拉OK員工 (I) 第 140 集

卡拉OK員工爆兩大暗黑排行榜，送K迷來回地獄又折返地獄！(一) 中伏飲食，獲獎包括清腸必備「生雞蛋溝果汁」、創意手調飲品「二手檸檬茶」⋯⋯（二）污糟鬼祟位，點解次次入K房都有陣空氣清新劑混酸臭味？比起分黨分派嘅熱唱榜，呢兩個榜更有參考價值！

S1 · E141 · 2018年12月27日

卡拉OK員工 (II) 第 141 集

個個都唱K，唔通個個都係K歌之王咩？志在搵地方gathering 啫。而房入面無閉路電視，當堂如入無人之境，違例食煙、醉酒鬧事見慣不怪啦。

S1 · E142 · 2019年1月3日

攝影師 (I) 第 142 集

喺有圖有真相嘅年代，有部相機就可以做攝影大師？攝影師日常對得最多嘅竟然唔係鏡頭，而係一大堆唔找數嘅JOB。窮客無錢找數，要「相債肉償」？新晉攝影師有得同大明星影相咁巴閉，原來又係必經大伏？攝影師最怕影到咩人？有咩人真係天生就係上鏡？

S1 · E143 · 2019年1月10日

攝影師 (II) 第 143 集

身為一個攝影師，有咩奇形怪狀場面未見過？好地地一場浪漫婚禮，會突然變成宮鬥劇，甚至警匪片？客人俾個常餐價錢，要求碧咸質素點算？攝影師們示範見招拆招。識講嘢又識影相嘅攝影師可以任溝model？老師傅講出行內殘酷真相。

S1 · E144 · 2019年1月17日

咖啡師 (I) 第 144 集

一杯咖啡可以醒腦提神，但背後嘅商業秘聞，又有幾多人知? 一杯成本可能得幾蚊嘅咖啡，閒閒哋賣你廿幾三十蚊，但只要掌握一個小撇步，買杯咖啡隨時慳返十幾銀。望住成日推陳出新嘅餐牌，只要一個不留神就會中伏，令到舌頭同肚皮活受罪!

S1 · E145 · 2019年1月24日

咖啡師 (II) 第 145 集

識飲識食嘅香港人，買杯咖啡都高要求過人。由全脂脫脂奶到白糖黃糖定代糖，再到奶嘅溫度同糖漿，每一環都凸顯香港人精益求精嘅特質。

S1 · E146 · 2019年1月31日

年宵市場 (I) 第 146 集

年近歲晚，個個都捉緊機會搵錢過肥年！要實行發財大計，好多人都會心思思投個年宵檔過老闆癮。識得做生意，賣一星期魚蛋燒賣就有6位數進帳！而一起步要投個靚位做生意，唔一定要識風水，但一定要識扮嘢！

S1 · E147 · 2019年2月7日

年宵市場 (II) 第 147 集

年宵丁財兩旺，但係搵錢的確要睇彩數。有人好地地賣貼紙會搞到古惑仔同警察輪流搞搞震、有人擺擺下檔竟然收到律師信........再好彩啲，小本生意撞正大鋪以本傷人，隨時搞到收唔到檔嘅慘烈場面！埋單計數，到底有幾多個老闆可以靠一檔年宵過肥年？

S1 · E148 · 2019年2月14日

時鐘酒店 (I) 第 148 集

對「做愛都搵唔到房」嘅香港人嚟講，一向俾人污糟同唔正經印象嘅時鐘酒店，係刻板生活中嘅情愛樂土。而有啲時鐘酒店嘅背後嘅故事，就算係開房常客都未必會知：點解一講起九龍塘，就自然會聯想起「爆房」? 高潮迭起嘅時鐘酒店，又係咪只會請女人做職員?

S1 · E149 · 2019年2月21日

時鐘酒店 (II) 第 149 集

喺「一間房租百種人」嘅時鐘酒店裡面，房間每次開門閂門，留低嘅除咗係情慾嘅痕跡，仲有遍地食極唔完嘅花生：狹小嘅房間裡面，點樣可以2個入最後5個出? 情趣玩具唔止識震，仲識得玩「四重奏」? 高潮迭起過後，場面又有幾震撼澎湃?

S1 · E150 · 2019年2月28日

鋼琴老師 第 150 集

個個小朋友都學琴，唔通個個都想學琴咩？鋼琴老師要面對唔想學琴又坐唔定嘅小霸王，再加上望子成龍但又秒秒計盡嘅家長，已經夠哂崩潰，有時生得太靚仲會俾家長撩！以為教到星級家庭就一定係筍客，點知一上堂至知道中伏！到底仲有咩驅使幾位老師繼續教琴？

S1 · E151 · 2019年3月7日

前線醫生 (I) 第 151 集

流感高峰期， 醫管局一段離地「全城打氣片」令到全城前線醫生震怒， 究竟醫管局仲有乜嘢離地政策？前線醫生嘅工作環境又係咪新聞報導中所形容的難民營咁惡劣，有請四位嚟自港九新界嘅公立醫院醫生!

S1 · E152 · 2019年3月14日

前線醫生 (II) 第 152 集

有報導指，前線醫生有指政府首要工作是要叫停每年約 5 萬名新移民來港，更有前線醫護人員反映，唔少持單程證人士到醫院即要求洗腎或稱有長期病患要處理。究竟實際情況又有幾嚴重? 繼續請嚟四位港九新界嘅公立醫院醫生!

S1 · E153 · 2019年3月21日

精神科病房護士 第 153 集

一講到精神科，好多人第一時間都會諗到唔少電影電視之中嘅震撼情節，不過現實中邊有咁多戲劇性場面呀？今集我哋請到每日都同一班精神病病人生活嘅精神科病房護士，講下佢哋口中嘅病房日常

S1 · E154 · 2019年3月28日

物業管理員 (I) 第 154 集

每次經過大廈大堂，總會聽到有人同你打招呼；你拎住一揪二楞，佢又會幫你開門。你以為佢份工係「看更」? 其實佢嘅真正身分係「物業管理員」! 今集《又要威又要戴頭盔》，一班物業管理員同你分享工作上遇到嘅奇人奇事!

S1 · E155 · 2019年4月4日

物業管理員 (II) 第 155 集

被譽為「平民版鐵飯碗」嘅物業管理行業，人工高而且少嘢做，新年利是多到近乎出雙糧，返工蛇王有得煲劇補眠刨馬經，簡直係羨煞旁人嘅筍工。但呢份優差背後，其實佈滿來自麻煩住戶嘅地雷!面對咁多陷阱，呢班物業管理員又點樣全身而退?

S1 · E156 · 2019年4月11日

清潔工 第 156 集

早前有一名清潔工喺公廁內用膳嘅相片流出，令到大家再次關注清潔工嘅工作環境及情況有幾惡劣，今次就搵嚟三位清潔工以及佢哋嘅工會代表，申訴除咗日日開工無假放以外，佢哋嘅工作，仲有乜嘢惡劣甚至係危險之處。

S1 · E157 · 2019年4月18日

中學老師 (I) 第 157 集

最近教育界翻起不少風波—學校報警驅趕學生、校長被質疑權力過大、老師被同事集體欺凌、辦學團體無視教師申訴等。究竟一個教育莘莘學子的文化地，從何時及為何會變成一個爾虞我詐的弄權深宮？五位中學老師緊握怒氣與希望逐一控訴！

S1 · E158 · 2019年4月25日

中學老師 (II) 第 158 集

五位教師為大家導讀《校園花生大全》- 1. 學生百厭整蠱招有無窮創意？老師亦有整治妙計！ 2. 學生性開放，買賣身體越見平常？ 3. 老師國家級雜務「北上大陸派傳單」 4. 私生活終極檢點，街邊食魚蛋為罪過…花生滿地，等你點播剝開！

S1 · E159 · 2019年5月2日

室內設計師 (I) 第 159 集

香港人最緊要就要住得安樂，花盡積蓄都只可以買塊瓦片遮頭，都希望可以裝飾得靚靚仔仔。今集請到四位室內設計師，講講香港人對間屋有幾執著：三十二呎「豪裝廚房」、去廁所放唔低海景、納米樓要變豪華套房、金裝得來又要文青feel...

S1 · E160 · 2019年5月9日

室內設計師 (II) 第 160 集

拎出幾百萬血汗錢買樓，再用六位數請室內設計師，對唔少小市民已經係錐心之痛。為咗慳錢，衰客顯露度縮本性，偷呃拖欠樣樣出齊，為講價連老豆都搬埋出嚟。室內設計師收唔齊數，追上法庭竟然被勸「算數啦」。

S1 · E161 · 2019年5月16日

餐廳接待員 (I) 第 161 集

「個個都想要海景，唔通張張檯都有海景咩？」相信就係唔少餐廳接待員心聲。好不容易留到一張近窗又唔曬、開揚又夠靜嘅「nice table」俾客人，最後竟然落得不停delay甚至放飛機嘅下場。

S1 · E162 · 2019年5月23日

餐廳接待員 (II) 第 162 集

餐廳入面，唔只開飯，仲有大把人開戰！政敵、情敵一個唔好彩，戲劇性出現喺同一間餐廳，點樣可以討好兩邊，食餐安樂飯？正宮打電話去餐廳捉姦，接待員點樣用語言藝術「保護證人」？大時大節遇到孤寒兼失憶嘅麻煩客人，又點樣可以「請走」佢哋而不失禮貌？

S1 · E163 · 2019年5月30日

少數族裔 (I) 第 163 集

喺香港呢個多民族嘅地方，點樣先分辨到邊啲係「正牌香港人」？要講得一口流利嘅廣東話之餘，仲要聽得明地道俗語同潮語？去茶記大牌檔唔止識嗌A餐凍檸茶，仲知道咩係「靚仔」咩叫「扣底」？晨早打緊風都要諗返唔返到工，閒時仲要諗第時住間屋要租定要供？

S1 · E164 · 2019年6月6日

少數族裔 (II) 第 164 集

同人唔同命，關鍵竟然係膚色? 同樣係學生，華裔學童就係備受寵愛嘅天之驕子，少數族裔就無事都俾人當做搞事份子；同樣去見工，華裔應徵者就一帆風順路路暢通，一見到履歷表上面係少數族裔張相，就即刻彈返轉頭請你走；

S1 · E165 · 2019年6月13日

美容業從業員 (I) 第 165 集

美容業界多年來經常被人投訴，主持請來幾位在美容業界擔當不同崗位的業內人士，大爆行內的秘聞及潛規則，並讓他們有機會為自己大平反。

S1 · E166 · 2019年6月20日

美容業從業員 (II) 第 166 集

美容業界為其產品服務推出「試用價」或「免費試用」，本來是希望拓闊市場，但亦因此衍生出一批只試不買的顧客。面對這些「Try精」，業內人士會如何應對？另外，他們日常要面對瘋狂投訴的客人之外，亦要應付麻煩藝人，更試過被客人恐嚇！

S1 · E167 · 2019年6月27日

貨Van司機 第 167 集

貨VAN司機揸住搵食車，日日行勻港九新界。點解佢哋搵食都會驚犯法？師兄之間要避免中伏，就要識「動口不動手」。個個廣告都話貨VAN又平又正，但背後嘅遊戲規則令一班自由身司機待遇，仲辛苦過打工仔。

S1 · E168 · 2019年7月4日

Slash 人 第 168 集

Slash族最先於美國年輕一輩冒起，Slash 代表住「/」符號（斜號），指那些身兼多職的人。他們往往會用Slash表示自己從事不同的Freelance工作。

S1 · E169 · 2019年7月11日

鐵路公司員工 第 169 集

香港人生活，總係離唔開一條鐵。呢條號稱世界第一嘅鐵，近幾年令唔少人愈搭愈燥底。面對人口爆炸同埋無止境嘅加密班次，係鐵係人都超哂負荷。而喺前線返工嘅鐵路員工，就更加承受內外夾撃。

S1 · E170 · 2019年7月18日

鐵路公司員工 (II) 第 170 集

明明唔係做Sales，原來做鐵路都要跑數，仲要跑到日日冇停手。一班手足仆心仆命，有意外飛身補鑊，人工包唔哂，加隻水杯再搭個蘋果就可以順返條氣？為優質服務不停OT，儲成個月補假冇得放，竟然被提議「割價賣工時」？

S1 · E171 · 2019年7月25日

服裝造型師 (I) 第 171 集

服裝造型師 – 名店、電視、電影、廣告、藝人的好夥伴，但只要有需要接觸尊貴的客戶，就會有不合理及奇怪的要求，例如: 男團爭衫着; 不講明要求，又怪責你不達要求的廣告公司agent 以及要求將平胸女模變36D等。

S1 · E172 · 2019年8月1日

服裝造型師 (II) 第 172 集

今集四位服裝造型師會分享行內潛規則 – 當你以為拖糧三個月已經好過份，拖糧九個月，之後，更要求以八折出糧，甚至用不同藉口不出糧的事件在行內比比皆是。

S1 · E173 · 2019年8月8日

救命朋友 (I) 第 173 集

香港人最近相當團結，連情緒都「齊上齊落」。社會氣氛面臨一片「低氣壓」，有朋友都因為周遭發生嘅事情引起情緒困擾，甚至感到了無生趣。呢個時候，可以做咩令自己令朋友繼續撐得住？

S1 · E174 · 2019年8月15日

救命朋友 (II) 第 174 集

香港人，一個都不能少！網上有唔少巴絲打喺討論區狂呻，甚至呻到入去死角位，呢個時候貼求助熱線有咩用？發惡夢都可以打上熱線，接線專員教路點樣戴穩頭盔傾心事。返到現實，真心朋友突然送厚禮講BYE BYE可以點應付？

S1 · E175 · 2019年8月22日

催眠治療師 (I) 第 175 集

一講起催眠，大家會唔會即時覺得神神秘秘？其實真正嘅催眠，可以進化到一對幾百人嘅大型表演！一班催眠治療師到底有咩秘技可以以一催百？有咩天份特別適合做催眠師？要幾耐至可以練成催眠術，成為正式催眠治療師？被人催眠會有咩感覺？

S1 · E176 · 2019年8月29日

催眠治療師 (II) 第 176 集

催眠治療師每日都要面對帶住唔同煩惱嘅客人：小至失戀減肥，大至勸阻倫常命案，對佢哋都係日常工作。係人打開門做生意，都希望客人再次光臨，唯獨做催眠治療就要識得趕客，甚至街頭見到客人、街尾就要閃。

S1 · E177 · 2019年9月5日

貓狗義工 (I) 第 177 集

好多貓狗義工出錢出力幫浪浪，以為「拯救生命」咁偉大，一定備受尊重，點知原來有苦自己知！遇到街坊阻撓，義工們有咩方法幫自己解圍？貨倉搬遷留低幾隻倉狗，女義工不惜以身犯險救狗，究竟可唔可以大團圓結局？留意今集《又要威又要戴頭盔》啦！

S1 · E178 · 2019年9月12日

貓狗義工 (II) 第 178 集

成日話「支持領養，拒絕購買」，但究竟點先可以領養寵物？貓狗義工嚟家訪，原來會睇好多嘢！成日聽人講「愛記」、「漁記」濫殺生命，究竟貓狗義工同佢哋關係又係點？仲有義工嘅親身經歷，搞到一個大男人流下男兒淚！

S1 · E179 · 2019年9月19日

配音員 (I) 第 179 集

有冇諗過晚晚追劇見到嘅Oppa，有一日會同你同一架van仔仲大叫有落？動畫之中擁有噴火身材嘅女優，原來同時都可以係文青女神？靠把聲搵食嘅，除咗兩位主持，仲有香港專業聲優！

S1 · E180 · 2019年9月26日

配音員 (II) 第 180 集

一班專業配音員坐埋一檯，火力全開大講幕後種種奇怪要求同禁忌：震音演繹廣告VO、唔可以講射波嘅足球動畫、唔可以打交嘅武鬥場面…同時又會講下做專業配音員周不時蝕車錢嘅場面、為咗保住靚聲食藥食壞身子、咳到半條人命仲要頂硬上嘅慘況。

S1 · E181 · 2019年10月3日

已婚同志 (I) 第 181 集

注意！本集含有大量閃光彈！當結婚嘅意義淪為只係一紙婚書時，香港一班同志就係為咗呢一張婚書，飛到世界各地結成佳偶。今集我哋就請咗幾位已婚嘅同志上嚟，講下佢哋嘅求婚故事到籌備婚禮過程。

S1 · E182 · 2019年10月10日

已婚同志 (II) 第 182 集

一班同志婚後喺香港用配偶身分生活，表面上係平凡簡單，實際上每個細節都考起大家：平日兩個星期搞掂嘅家屬證，因為係同志身分搞三年都搞唔到，仲要俾HR寸「不如你結多次婚」；明明係行哂禮簽哂紙，報稅剔邊格竟然靠司法覆核；到底叫老婆定老公？

S1 · E183 · 2019年10月17日

友台PA (I) 第 183 集

每個電視節目背後，都有一班幕後功臣！而喺呢班「功臣」當中，最辛酸莫過於助導(PA)喇！究竟PA平時做啲乜？試過一個月工時超過400小時，呢班人係點樣捱過？仲有平時節目見到嘅嘔吐物、血漿等等，到底係點樣整出嚟？

S1 · E184 · 2019年10月24日

友台PA (II) 第 184 集

成日話娛樂圈係一個大染缸，而作為呢個大染缸嘅一份子，電視台PA可以話見盡人情冷暖。原來呢一行，老臣子唔一定擺架子，反而同老前輩合作仲舒服！咁究竟最難頂係啲咩演員？PA們最無辜被罵嘅經歷又係點？今集《又要威又要戴頭盔》講盡PA血淚史！

S1 · E185 · 2019年10月31日

驅魔人 (I) 第 185 集

「驅魔人」喺電影同電視劇就見得多，但現實中真正嘅驅魔又係咩一回事? 天生有陰陽眼就做到驅魔人? 夾中指、灑童子尿、講粗口甚至出動埋十字架，邊個方法真係驅到鬼，邊個方法只係做戲咁做俾你睇?

S1 · E186 · 2019年11月7日

驅魔人 (II) 第 186 集

驅魔人能人所不能，但面對唔同嘅鬼魂，有時都幾頭痕。當宿主唔想同鬼魂分離，驅魔人可以點處理? 遇上一隻法力高強嘅惡鬼尋仇，作為血肉之軀嘅驅魔人到底可以點樣全身而退? 如果聽唔明隻鬼噏乜，又有咩新奇法寶可以應對?

S1 · E187 · 2019年11月14日

學生記者 第 187 集

一班原本主力採訪校政嘅學生記者，因為時局嘅轉變同需要，毅然踏上前線衝鋒陷陣。呢班初出茅廬嘅學生記者上到前線採訪，到底遇到乜嘢困難同制肘?

S1 · E188 · 2019年11月21日

美甲師 第 188 集

好多嘢都係由低做起，美甲師都一樣！初入行做學徒月入得$4000，竟然被無良老闆呃錢呃足$8000！修甲聽聽埋埋唔少八卦事，有美甲師竟然發現三角戀三位主角都係自己客人，最後點收科？

S1 · E189 · 2019年11月28日

波鞋售貨員 (I) 第 189 集

波鞋售貨員親身認證，原來呢行好多古惑術語，無論係關於波鞋碼數、衰客行為、身體部位、客人外表、價錢嘅都有，聽到外行人一頭霧水。

S1 · E190 · 2019年12月5日

波鞋售貨員 (II) 第 190 集

波鞋售貨員每日要處理嘅奇難雜症多不勝數，由服待啲客試鞋試足一日、金睛火眼睇住有無人偷嘢，到衰客惡意刁難、無理退貨都要搞掂，點解衰客一地都係？因為香港人心情好買鞋，心情唔好都買鞋。

S1 · E191 · 2019年12月12日

連登巴絲 (I) 第 191 集

[突發] 全部香港人同我入嚟！Viu TV廠嚟咗四個蒙面人聲稱自己係連登仔，高談闊論連登文化、近期熱門話題，仲想平反「連登仔係廢青」講法，諗住同主流媒體we connect。豈有此理，咁大膽自爆都有嘅？

S1 · E192 · 2019年12月19日

連登巴絲 (II) 第 192 集

[非分化] [核彈] 喺連登出post前最好認清潛規則，P牌仔都無情講，如果做錯要巴打絲打驚動伯友就麻煩喇！

S1 · E193 · 2019年12月26日

Party Room 第 193 集

每集將會以「同路素人」為主角，以四人為限，如「空姐」、「消防員」、「拍親拖都畀人飛」、「男人三十毒男」等，各自戴上真‧頭盔作身分保密第一大防線，跟主持人林二汶和余迪偉一同就INSIDER SECRETS進行討論，放心爆料、交流相知相交的共鳴

S1 · E194 · 2020年1月2日

Party Room (II) 第 194 集

Party Room開到成行成市，淨係靠設備取勝邊夠玩呀？要突圍而出，就要講噱頭！一開波就叫「20個6」嘅大話骰，究竟係咩新奇玩法？窄窄長長嘅走廊，點樣造就新世代嘅極速傳說？

S1 · E195 · 2020年1月9日

外賣速遞員 (I) 第 195 集

平時嗌完外賣，收到外賣速遞員送嚟嘅食物，你會毫不猶豫咁擺入口？抑或檢查清楚先再食？原來運送過程中都可能發生好多事：成盒炒米跌咗落地，又唔想捱鬧，外賣速遞員可以點做？倒瀉檸茶又點收科？

S1 · E196 · 2020年1月16日

外賣速遞員 (II) 第 196 集

依家嗌外賣愈嚟愈方便，喺手機撳兩撳就可以等開餐！唔講唔知，原來呢行都有唔少秘密。

S1 · E197 · 2020年1月23日

連鎖服裝店店員 (I) 第 197 集

每個節日都有佢嘅傳統，新年前買新衫是常識吧？而各大連鎖服裝店亦會喺新年前，推出一系列創意爆棚，而且襟擺唔襟著嘅新春服飾，挑戰一班顧客嘅時尚觸角同接受程度。

S1 · E198 · 2020年1月30日

連鎖服裝店店員 (II) 第 198 集

連鎖服裝店打開門口做生意，每日都要應付數之不盡嘅神奇麻煩客。有人會當服裝店係私家衣櫃，得閒就嚟換新衫，隨時成層樓都係咁換返嚟；又有人會當服裝店係訓練場，鍛鍊自己夠唔夠手快敏捷，可以喺迅雷不及掩耳嘅情況下偷走衫褲。

S1 · E199 · 2020年2月6日

移民顧問 第 199 集

香港生活咁壓迫，久不久都會FF吓自己可以走佬過個新生活。要將FF變成現實，就要有一班移民顧問幫幫手。今集頭盔請到三位移民顧問上嚟，講下移民熱門中伏位、與多國移民官交手奇遇、行內合法掠水招數，甚至不法分子走法律罅行騙手段……

S1 · E200 · 2020年2月13日

婚禮統籌師 (I) 第 200 集

《頭盔》團隊仝人預祝大家情人節快樂！有情人終成眷屬！又嚟到「街裡愛人一對對」嘅日子，正所謂「情人節氣魄更壯」，有無勇氣更進一步，步入禮堂拉埋天窗？今集請嚟三位婚禮統籌師，傾吓禮金點計、人情公價、如何應對姻親關係等，真係聽到都傷感情……

S1 · E201 · 2020年2月20日

婚禮統籌師 (II) 第 201 集

蹬凳凳凳，蹬登鄧凳，結婚係人生大事，所以唔少新人為咗威威豬，會諗埋啲天馬行空嘅行禮要求，或者佈置方法，搞到一班婚禮統籌師R晒頭。而一個婚禮除咗包含感動嘅淚水，黑仔嘅新人仲會畀姨媽姑姐激到飆眼水、遇上MC亂咁吹水、玩開門遊戲尷尬到一額汗水！

S1 · E202 · 2020年2月27日

便利店職員 (I) 第 202 集

一間豆潤咁大嘅便利店，吸納咗嚟自五湖四海嘅客人，譬如「永遠是對的」嘅西客、性急嘅情侶、酒醉怒漢、屋村大佬輩、搏大霧買煙嘅𡃁仔等等，為店員刻板嘅職場日常 — 收銀、清潔、上貨、企全日之外，帶嚟小小嘅衝擊、小小嘅笑料，仲有少少嘅人工……

S1 · E203 · 2020年3月5日

便利店職員 (II) 第 203 集

便利店包羅萬有，由飲食到日用品、報紙雜誌、玩具、小型電器都有得賣，但正所謂樹大有枯枝，貨多就必有濟銷，究竟有咩貨係最無人吼？又有乜嘢貨係伏味濃？當一間舖仔擺咁多貨，窿窿罅罅好易暗藏邋遢，原來你都有機會做過幕後黑手？

S1 · E204 · 2020年3月12日

旅遊記者 (I) 第 204 集

平時睇旅遊文章，都係介紹最新嘅食玩買超筍攻略，但風光背後，其實一班旅遊記者，都係一個個行走嘅「試伏器」。「X星級景點」原來係山寨版荔園？山清水秀嘅景點原來係「魚塘x洗腳池」？以為旅遊局安排得嘅都係好嘢？

S1 · E205 · 2020年3月19日

旅遊記者 (II) 第 205 集

隆重介紹筍工一份：「旅遊記者」! 入職者將可以享受無限福利，包括：開公數瘋狂由早影到晚、深入謎之洞穴感受另類滑行、10幾日怒食100檔拉麵、入住猛鬼嘅酒店感受半夜俾「人」轉台甚至鬼上身嘅非一般經歷，仲有俾人扑俾人鞭嘅凌虐式體驗...

S1 · E206 · 2020年3月26日

註冊營養師 (I) 第 206 集

自【頭盔】開拍以來，一眾嘉賓都同兩位主持有講有笑，但今次嘅嘉賓，令二汶都忍唔住話「好憎佢哋」! 呢一班「二汶天敵」─ 註冊營養師，除咗令二汶諗起小時候俾媽媽恐嚇嘅慘痛經歷，仲令佢嘅味蕾自動聯想到一樣足以令佢放棄人生嘅食物。

S1 · E207 · 2020年4月2日

註冊營養師 (II) 第 207 集

喺肥人嘅世界裡面，分別住咗天使與魔鬼 - 帶俾佢哋快樂嘅天使，叫「美食」；帶俾佢哋痛苦嘅魔鬼，叫「營養師」。明明用盡努力，只係想病人活得健康，偏偏啲病人就專唱反調，用「自殺式飲食餐單」挑戰營養師嘅道行...

S1 · E208 · 2020年4月9日

典型債仔 (I) 第 208 集

成世人流流長，總會揹到幾條債務上身。萬一理財不善，隨時成為債仔，每日還錢還到氣咳。有人因為賭錢不停按樓、有人因為拍拖碌爆卡，甚至有人返工返到要借大耳窿！到底銀行卡數有咩魔鬼級細節？廣告之中嘅財務公司係咪真係咁易借？

S1 · E209 · 2020年4月16日

典型債仔 (II) 第 209 集

正所謂「借錢容易還錢難」，今集四位債仔嘉賓將會講下自己漫長嘅還錢之路。有人一日打三份工，一盒飯分兩餐食，轉眼搣甩債仔標籤；有人不停滾min-pay，滾到七年都還唔到一條卡數。

S1 · E210 · 2020年4月23日

寵物美容師 (I) 第 210 集

有人話「活著就是幸福」，但對於一班生活喺寵物店裡面嘅貓狗嚟講，活著就係受罪：幾隻寵物住埋喺同一鐵籠下，看似樂也融融，其實可能同住喺集中營裡面嘅人無分別；以為寵物都係飯來張口，實情可能係無啖好食之餘，仲要被逼過住不人道嘅生活...

S1 · E211 · 2020年4月30日

寵物美容師 (II) 第 211 集

要成為一個寵物美容師，考唔考牌都係其次，最緊要係具備：強大嘅心臟─無論寵物噴到你成身屎尿，定係見到佢哋成身都係寄生蟲，都要處變不驚落手去清；鐵一般嘅神剪手─除咗要剪得一手好毛，仲要任咬唔嬲，就算俾寵物咬到流血入院，都要剪到佢哋好睇又靚仔..

S1 · E212 · 2020年5月7日

空中服務員 (I) 第 212 集

疫情之下，「空中服務員」這個行業突然變得極高風險。長期在密閉空間工作，又要飛到不同國境，公司防疫措施又未跟貼，一班「空中服務員」如何出招自保？

S1 · E213 · 2020年5月14日

空中服務員 (II) 第 213 集

一搜尋「空中服務員」，網上就出現一大堆花生味濃的新聞討論。而不同航空公司近年相繼營利告急，資源大縮水可以去到幾盡？撞正裁員，同公司分手，竟然被要求即時以各種名目賠錢…

S1 · E214 · 2020年5月21日

健身教練 (I) 第 214 集

成日話「俾啲掙扎」，但健身新手想落場掙扎之前，心理上都好大掙扎：咁多間gym room唔知點揀好、初初做gym又驚俾人sell package……究竟新手做gym要注意啲乜？幾位健身教練現身說法，原來「水魚」有樣睇！

S1 · E215 · 2020年5月28日

健身教練 (II) 第 215 集

愈嚟愈多人做gym，健身教練咪好好賺？全盛時期月入幾多？初入行要背負跑數壓力，佢哋又點樣捱過？有健身學院主張「天然健身」，原來「天然」背後有不可告人嘅秘密！入行多年，幾位教練都遇過唔少騎呢客人，仲親身經歷過被偷窺事件！

S1 · E216 · 2020年6月4日

啤酒推廣員 (I) 第 216 集

今集請嚟四位前輩級啤酒妹上嚟大平反，唔洗摸住酒杯底，句句真心，講出真實的酒場前世今生、人生百態，配上香口花生話題，例如「制服有無加大碼？」等，恭候各位入席！

S1 · E217 · 2020年6月11日

啤酒推廣員 (II) 第 217 集

從前香港夜場五光十色，花花世界，早入行嘅啤酒推廣員見盡Disco同夜總會嘅風光時代，男嘅係大富豪，女嘅係港姐級數，啲客拎住一大疊錢開心就派，今集嘉賓打開心扉，講下自己點樣喺大染缸中無被媽媽生勸去做陪酒女郎、收到幾多貼士、而家夜總會又係點等等

S1 · E218 · 2020年6月18日

僱傭中介 (I) 第 218 集

唔少香港家庭都會請返個外藉家傭幫手打理家頭細務。要搵到一個真係融入家中嘅「姐姐」，就同搵伴侶一樣睇緣分。仲以為搵「姐姐」一定要係十項全能？原來唔識煮飯都可以有市場。反而生得太醜太靚都影響受聘機會。

S1 · E219 · 2020年6月25日

僱傭中介 (II) 第 219 集

香港地寸金尺土，一家幾口塞喺幾百尺單位，仲要迎接多一個家傭姐姐真係隨時迫爆。有人為咗「盡用空間」，竟然要姐姐瞓櫥櫃，同一堆罐頭過夜。又有人用各種方式騷擾姐姐甚至出手打人；另一邊廂，唔少僱主又投訴俾姐姐「借」走名牌衫，甚至借地址借錢。

S1 · E220 · 2020年7月2日

護老院工作者 (I) 第 220 集

好多老人家都好抗拒住護老院，怕唔習慣之餘，又怕冇屋企人理，所以唔少院友都試過喺護老院偷走！面對日常工作嘅挑戰，幾位護老院工作者係點自處？平日見見埋埋唔少家屬，目盡人情冷暖，更加見過好多家人為咗爭家產，出盡辦法游說個老人家！

S1 · E221 · 2020年7月9日

護老院工作者 (II) 第 221 集

所謂「民以食為天」，護老院裡面嘅伙食，絕對係長者同家人關心嘅一環！究竟護老院係咪真係冇啖好食？老友記又可唔可以約埋一齊出去食個飯呢？成日話老人家就好似小朋友，原來佢哋真係好多搞笑嘢，例如輸咗麻將唔畀錢，又或者自製另類「糧果」請人食！

S1 · E222 · 2020年7月16日

補習社老師 (I) 第 222 集

「補習」已經成為大部份學生生活嘅一部份，平時搭巴士見好多名師chok晒樣影廣告，究竟入行之前佢哋需唔需要casting？近十幾年好多「補習天王」冒起，以為佢哋一定個個賺大錢，點知原來都係有苦自己知，分分鐘月薪仲可以係負數！

S1 · E223 · 2020年7月23日

補習社老師 (II) 第 223 集

補習行業競爭大，名師之間為咗吸引更多學生，不惜洗出千方百計，務求搏上位：請打手喺討論區唱衰其他老師、迫學生報多幾班催谷營業額、每日mon住其他老師嘅社交平台準備「捉錯處」……總之想盡辦法，務求令自己人氣急升！

S1 · E224 · 2020年7月30日

時裝設計師 第 224 集

今集會拆解時裝業嘅「理想與現實」：當大家以為時裝設計師需要有強大創意，事實上有好多人只係奉命抄款。一般人諗住再造布料夠晒環保，其實又未必。藝人出騷想著靚啲，原來借衫唔易㗎！個個模特兒comp card寫自己高180cm，點知真人矮一大截？

S1 · E225 · 2020年8月6日

美容產品售貨員 (I) 第 225 集

各位俊男美女，請花少少時間回答以下問題：「你係咪曾經喺美容產品店試用產品？問過店員你屬於咩膚質？好少／無喺俾錢時再次檢查產品到期日？」如果你答「係」，咁你好可能中過伏！

S1 · E226 · 2020年8月13日

美容產品售貨員 (II) 第 226 集

俗語話「女人錢易賺」，事關女人生存有五大元素：水、陽光、空氣、食物、美容品，貪靚係天性。不過人人都係扮靚專家咩？好易就將售貨員或者廣告嘅推介照單全收，有讚無彈，梗係滿佈地雷！甚至大家請教嘅專櫃小姐可能唔識化妝。

S1 · E227 · 2020年8月20日

嫖客 (I) 第 227 集

從前有三個男人心思思初嘗嫖妓，當日膽粗粗獨自踩上「架步」，或者三五成群北上尋歡，到今日已經嫖咗八至十幾年不等。究竟爛滾係咪皆因心癮起？

S1 · E228 · 2020年8月27日

嫖客 (II) 第 228 集

講述一班男人計劃去召妓嘅港產片《大丈夫》有句經歷對白：「出嚟玩，一定要小心。」絕對係有伴侶又要去滾嘅男人嘅生存守則！但就算正印唔發現，去滾依然危機四伏 ...

S1 · E229 · 2020年9月3日

居港日本女生 (I) 第 229 集

當香港人恨不得即刻飛去日本呢個「第二家鄉」，一班日本女仔就喺香港打滾咗十幾年都唔諗住走。令佢哋留喺度嘅，係愛情、風土人情，定係另有內情? 喺度生活咗咁耐，好多以前喺日本因為文化問題而唔敢做嘅事，都已經喺香港一一解禁...

S1 · E230 · 2020年9月10日

居港日本女生 (II) 第 230 集

成日話日本係香港人嘅「鄉下」，但係對於日本嘅禁忌同文化嘅認識，好多人都只係BB班，一唔小心踩中地雷，就算你幾愛日本，日本人都唔會愛你。另外，港男嫌棄港女惡死，成日FF自己嘅另一半，可以好似愛情動作片裏面嘅女主角咁溫柔體貼，而日本女仔又何嘗唔

S1 · E231 · 2020年9月17日

偽娘 (I) 第 231 集

偽娘（日語：男の娘／おとこのこ Otokonoko），亦都可以叫做偽女，係日本文化入面有「女孩」一樣女性化性別表現嘅男性。

S1 · E232 · 2020年9月24日

偽娘 (II) 第 232 集

「偽娘唔易做」，除咗要承受去男性化變得「比女人更女人」嘅肉體痛楚外，仲要承受種種嚟自家人、朋友以及社會嘅壓力，如: 家人指責「她/他」接受採訪，係公開「丟架」; 各類網絡欺凌與性騷擾; 以及在感情生活方面...

S1 · E233 · 2020年10月1日

曾隔離人士 (I) 第 233 集

一個疫情，搞到人人自危，但就算自己幾小心都好，你冇中到招，都唔代表你身邊嘅人可以甩難。好彩嘅最多畀人送入隔離營，體驗一下「有今生無來世」嘅隔離生活，但由被通知要入隔離營嘅嗰一刻開始，每一種經歷都足以衝擊你嘅認知...

S1 · E234 · 2020年10月8日

曾隔離人士 (II) 第 234 集

全港最大的隔離人士接待中心上線啦! 一星期十幾款飯盒任君選擇，杯麵、餅乾、生果，想要幾個就叫幾個，定時送餐服務堪比酒店質素，唾液測試一步到位。十幾日隔離時間，顛覆你對「入Camp」嘅刻板印象，讓你重新思考人生，毋須去到深山野地...

S1 · E235 · 2020年10月15日

主題公園員工 (I) 第 235 集

主題樂園係唔少香港人嘅童年回憶，喺呢個充滿歡樂嘅地方，員工返工係咪真係咁開心？主題樂園裡面咁多崗位，以為負責維持秩序係最難頂，點知原來有個崗位都好受氣！仲有大爆遊客同吉祥物嘅搞笑互動，同埋日常工作遇到嘅搞笑客人，想知就唔好錯過啦！

S1 · E236 · 2020年10月22日

主題公園員工 (II) 第 236 集

主題公園每年萬聖節都有特備節目，吸引好多遊客參與！扮鬼扮馬嘅演員嚇人招數層出不窮，有人仲試過嚇到個客仆咗落尿兜？不過嚇得人多都有代價，就係被客人「招呼」返轉頭！除咗扮鬼嚇人之外，園內員工都遇過啲真‧驚嚇嘅靈異事件，聽到都起雞皮！

S1 · E237 · 2020年10月29日

歡場女玩家 (I) 第 237 集

三個純情中女賺完真銀，密密約埋姊妹淘去夜場尋歡，闊佬洗錢請港、韓、台、菲、泰、北上俊男陪玩陪飲，親身「食評」厚過字典。就請索女們用半小時大講特講男陪坐圈嘅奇聞軼事、寂寞婦人如何沉淪喺幻愛遊戲、自己又點樣由消費者變成同男陪坐拍拖……

S1 · E238 · 2020年11月5日

歡場女玩家 (II) 第 238 集

有人去歡場玩，鍾意明買明賣，盡興過後乾手淨腳。而呢班女人享受戀愛嘅感覺，只講心不講金，甚至驕傲自己媾到男陪坐，唔係一場金錢交易。不過終究一個鍾意蒲，一個靠落場維生，係咪可以互相接受？

S1 · E239 · 2020年11月12日

快餐店店員 第 239 集

快餐店係好多打工仔嘅恩物 - 無論係冇時間食晏，抑或係糧尾冇錢開飯，都自然諗起快餐店啲平價套餐。但係恩物還恩物，其實裡面都好多黑暗嘢，例如炸嘢嘅油唔係成日換、有分店曾經重用客人食剩嘅薯條、後廚用奇招對付啲無理客人等等……

S1 · E240 · 2020年11月19日

離島居民 (I) 第 240 集

山長水遠搬入離島住，係因為愛定責任？三位來自長洲、南丫島嘅居民，有人自細喺離島長大，有人因為平租而搬入離島。你以為離島生活就係悶？其實每個島民都係時間管理大師，每次出城都要計準車程船期，一旦計錯數隨時要瞓碼頭等天光…

S1 · E241 · 2020年11月26日

離島居民 (II) 第 241 集

個個都入離島STAYCATION享受假期，但對離島居民嚟講，每個Weekend都係好似打仗一樣嚴陣以待。到底喺島民心目中，咩遊客最難頂？有邊啲名勝其實伏到無人有？成日都有人話離島有靈異事件，到底住喺離島有冇第一身嘅詭異故事？

S1 · E242 · 2020年12月3日

酒店從業員 (I) 第 242 集

疫情下酒店業生意大受影響，究竟幾位酒店員工又駛唔駛面對無薪假、甚至被裁員嘅風險？遇上隔離客人入住，大家都人心惶惶，佢哋又有冇嚇到怕怕？

S1 · E243 · 2020年12月10日

酒店從業員 (II) 第 243 集

住酒店除咗想舒舒服服之外，更重要當然係乾淨衛生！究竟酒店房裡面，乜嘢設備最易中伏？有啲咩喺使用前一定要檢查得清清楚楚？早前網上流傳有酒店房間被搗亂嘅片段，房務部員工分享處理「災難房」嘅經驗！搗亂之餘，原來房內有好多嘢都會被客人偷走！

S1 · E244 · 2020年12月17日

#限聚新人 (I) 第 244 集

今年雙春兼閏月，本身係結婚好年。而一個疫情加n條限聚令，成班準新人大失預算。但係仲有人勇字掛心口，限聚令當前婚照結、酒照擺。

S1 · E245 · 2020年12月24日

#限聚新人 (II) 第 245 集

成班限聚新人好不容易終於結到婚啦！雖然口罩唔可以當人情，但疫情下用嚟回禮就大受歡迎；記得準備大隻兄弟看門口，趕走體溫太high嘅賓客；擺完酒仲要mon足一個月新聞，甩到「婚禮群組」嘅危機至叫順利完婚。

S1 · E246 · 2021年1月7日

塗鴉藝術家 第 246 集

好多人細細個都鍾意喺牆壁上面畫公仔，今集幾位嘉賓都唔例外！長大後嘅佢哋唔只畫屋企幅牆，仲會走出街周圍畫！究竟塗鴉嘅世界係點？唔同種類又係點區分？

S1 · E247 · 2021年1月14日

賣甜相的女孩 (I) 第 247 集

今集頭盔請嚟三種不同風格嘅「賣甜相的女孩」，講下佢哋點樣由零開始，搵到一班忠心fans準時課金，將美色變成美金！

S1 · E248 · 2021年1月21日

賣甜相的女孩 (II) 第 248 集

想打開fans銀包，最緊要識得拉近距離。一班賣甜相嘅女仔，會講下同fans互動嘅奇怪經歷：有fans愈鬧愈興奮、有戀足fans只想攬實女神對腳、原味fans即場開價買起女神底底…

S1 · E249 · 2021年1月28日

飛機維修員 第 249 集

喺行李架上收埋成碟飯？廁所塞咗要通渠險變「屎撈人」？停機坪上遇到恐怖靈異事件？你冇睇錯呀！呢啲都係三位飛機維修員遇過嘅真人真事！

S1 · E250 · 2021年2月4日

居港非華裔人士 (I) 第 250 集

《頭盔》仝人預祝大家牛年日日歡喜！住喺香港嘅韓國人、巴基斯坦人同尼泊爾人同樣會放農曆新年假，不過就唔會跟中國傳統過節。而遠在香港嘅佢哋，又會點慶祝自己族群嘅新年，同埋其他節日呢？

S1 · E251 · 2021年2月11日

居港非華裔人士 (II) 第 251 集

三位女生分別屬於韓裔、巴基斯坦裔同尼泊爾裔，住喺香港多年，絕對稱得上係「香港人」，甚至有人返鄉下都要托爸爸送嚟燒賣同紙包檸檬茶，一解思港之情！同時，佢哋又會受到族裔嘅傳統文化同習慣所影響，喺生活當中體驗或多或少嘅文化差異。

S1 · E252 · 2021年2月18日

遊艇水手 (I) 第 252 集

做遊艇水手，成日跟老闆出海、接觸有錢富豪嘅世界以為好威水？原來背後承受好多不為人知嘅壓力同責任！平時要做個好管家、幫老闆打理隻艇；出海時搖身一變，集救生員、侍應、廚師技能於一身，做得唔好仲會丟老闆架，認真大壓力！

S1 · E253 · 2021年2月25日

遊艇水手 (II) 第 253 集

過氣女星上船「搵老細」親熱？男明星因小事發怒出手打女朋友？電視螢幕上嘅「好好先生」上船偷食、當聽到電話響即刻「笠水」要求全世界靜音？你冇睇錯！呢啲全部都係今集三位遊艇水手喺艇上嘅所見所聞！除咗見盡明星真面目，佢哋仲大爆離譜客人嘅奇幻招數..

S1 · E254 · 2021年3月4日

巴士迷 (I) 第 254 集

「巴士」對一般大眾嚟講係見慣見熟嘅交通工具，不過當巴士迷見到巴士，就好似妹豬見到姜濤咁，會追實「偶像」嘅行蹤去影相！仲會收藏巴士嘅物品同搞「粉絲」聚會，兼且練成一身好武功 — 化身人肉路線圖同巴士資料庫！究竟網民俗稱嘅「巴膠」，膠喺邊？

S1 · E255 · 2021年3月11日

巴士迷 (II) 第 255 集

被世人誤會嘅「巴膠」繼續有話兒 — 巴士術語「釣金魚」、「跳飛機」、「反牌」等，究竟講緊乜？對一般人嚟講，架架巴士都差唔多，點解班巴士迷仲成日追車影相，影極唔厭？

S1 · E256 · 2021年3月18日

體育記者 (I) 第 256 集

S1 · E257 · 2021年3月25日

體育記者 (II) 第 257 集

S1 · E258 · 2021年4月1日

中醫診所助護 第 258 集

S1 · E259 · 2021年4月8日

中醫診所助護 (II) 第 259 集

S1 · E260 · 2021年4月15日

演唱會幕後 (I) 第 260 集

做演唱會幕後就可以收住錢免費睇SHOW咁爽？少年，你咁諗就真係太天真啦！

S1 · E261 · 2021年4月22日

演唱會幕後 (II) 第 261 集

做得天王、天后、天團，台上實力肯定爆燈，但台下親和力更加重要！今集三位演唱會幕後，將會大爆各位巨星喺台下真面目：大牌歌手出名遲到失蹤、天后極速收工絕技、天王對幕後原來超級用心…而經常出入紅館嘅佢哋，撲飛係咪無難度？買飛揀位又有冇特別攻略？

S1 · E262 · 2021年4月29日

收音師 (I) 第 262 集

電影戲劇要有聲有畫，除咗要靠攝影師，更加唔少得要有收音師。咪以為佢哋嘅工作只係舉吓咪擰兩個掣咁輕鬆，收音師要面對嘅挑戰，絕對唔少得過一班攝影大哥...

S1 · E263 · 2021年5月6日

收音師 (II) 第 263 集

作為幕後嘅「千手觀音」，收音師有時要一個人睇聽住十幾支咪嘅聲，少啲集中力都隨時出事。一個唔小心，隨時喺拍攝現場發生蝦碌趣事，有時仲可以親身睇到一段段不為人知嘅搞笑經歷，見證一個靈異節目變成一個史詩式鬧劇!

S1 · E264 · 2021年5月13日

編劇 (I) 第 264 集

劇本乃一劇之本，一部作品嘅靈魂所在，而當中嘅故事、場口、對白、角色都係由「編劇」所設計，佢哋理應備受尊重，但現實偏偏荒謬過做戲……

S1 · E265 · 2021年5月20日

編劇 (II) 第 265 集

三位編劇繼續揭開影視行業嘅神秘面紗，K.O.觀眾腦中一堆問號 — 眾所周知做電影／電視令人貧窮，咁編劇可以有幾窮？點解港產片成日加咁多男主角，同時女主角條劇情線又有啲無謂？搵劇情Bug位已經變成觀眾嘅散場娛樂，但原來編劇有辦法預先拆彈？

S1 · E266 · 2021年5月27日

武館中學學生 (I) 第 266 集

傳說喺十八區裡面，每一區都有三幾間「武館中學」，一聽學校名就會令人肅然起敬，甚至望而生畏。

S1 · E267 · 2021年6月3日

武館中學學生 (II) 第 267 集

身處「武館中學」，唔止學生要做好即時格鬥嘅準備，連老師都要有隨時接招嘅覺悟，但明槍易擋，暗箭難防，遇上一班擁有驚人創意嘅整蠱專家，一眾老師都要喺學生層出不窮嘅整蠱招數面前舉手投降。

S1 · E268 · 2021年6月10日

舞蹈老師 (I) 第 268 集

三位舞蹈老師跳入錄影廠，直視haters撕走身上各種污名化嘅標籤，包括 #貴圈真亂、#喜愛夜蒲、#教壞細路，亦為唔同舞種嚟個大平反 — 電臀舞唔係脫衣舞、中國舞唔等於大媽舞、喺街跳嘅亦唔一定係街舞！

S1 · E269 · 2021年6月17日

舞蹈老師 (II) 第 269 集

做老師最怕呢三寶 — 怪獸家長、難教學生同麻煩校長，引爆嘅問題就算唔係鑊鑊新鮮，都肯定鑊鑊甘！之不過跳舞為生，夠叻嘅話就搵真「金」，聽聞有演唱會舞蹈員做完一個騷夠畀首期買樓，行內亦有「姨姨，我不想努力了」嘅故事！？

S1 · E270 · 2021年6月24日

戒毒人士 第 270 集

吸毒毀一生、令人眾叛親離、危害精神……人人皆知，但依然有人因為好奇、朋輩誘惑、錢而試第一口，從此喺毒海中掙扎，包括地盤工、露宿者、西裝友、醫生、老師、大老闆等。

S1 · E271 · 2021年7月1日

工作假期 (I) 第 271 集

年輕一輩對 Working holiday 一啲都唔陌生，但要走出安舒區、向一個未知嘅地方邁進，當中嘅心情又係點？有人以為去澳洲打工，都係摘吓士多啤梨，最後竟然去咗羊肉廠，仲一做做咗幾個月！

S1 · E272 · 2021年7月8日

工作假期 (II) 第 272 集

三位去過工作假期嘅過來人大爆驚險事件！有人喺公路炒車炒到四輪朝天；有人被入屋搶劫、仲被賊人打到頭破血流，留下永久疤痕；有人失業冇工開，身上只剩下四十英鎊過活；有人被當地垃圾分類搞到頭都暈、連垃圾袋都要分顏色？

S1 · E273 · 2021年7月15日

鏡粉前夫 第 273 集

最近全城男士上線作反，一振夫綱玩踢爆，大呻MIRROR鏡仔登堂入室，老婆／女友光明正大用新歡姓氏自稱「X太」！自己不特止被前夫化，身為「鏡粉前夫」仲要隨時貨金貼仔、狂loop奸夫作品同奉獻愛巢。

S1 · E274 · 2021年7月22日

運動員 (I) 第 274 集

香港地做運動員，可以點開始？今集請嚟三位曾經出戰奧運嘅精英，同大家講講佢哋加入青年隊嘅故事：有人自細就俾家人栽培成體育明星、有人玩完暑期班就無啦啦入選。

S1 · E275 · 2021年8月12日

運動員 (II) 第 275 集

去外國比賽表面好威水，實際上有幾辛苦，只有運動員心知肚明。今集三位運動員，會講下自己去唔同地方比賽嘅特別經驗：由最正嘅「和牛放題」，講到最核突嘅「烏蠅撈飯」。去到外地比賽，氣候環境完全唔適應，深刻體驗「人無事至可以做世界冠軍」嘅教訓。

S1 · E276 · 2021年8月19日

泰拳教練 第 276 集

講到最熱門嘅減肥運動，泰拳一定走唔甩。今集請到三位經驗豐富嘅泰拳教練上嚟，講下自己遇過各式各樣嘅奇怪學生：有人把口就話減肥，實際連出拳都無力；老婆借上泰拳堂，打到老公出唔到聲；仲有學生唔聽話，起埋飛腳踢教練，差啲動真火打交。

S1 · E277 · 2021年8月26日

舞台劇幕後 (I) 第 277 集

睇舞台劇係香港人為數不多嘅娛樂之一。幕前有演員表演，幕後仲有班後台工作人員為開騷做足準備。人人都話做得舞台劇幕後都係「能人所不能」，燒焊、電子、雕泥倒模咩都識做，當中秘辛有幾多人知？

S1 · E278 · 2021年9月2日

舞台劇幕後 (II) 第 278 集

有人話最黑嘅地方就可以聚集陰氣——紅裙女、綠色影常客、飄浮人頭…舞台劇幕後見盡「朋友仔」陪住大家睇劇！

S1 · E279 · 2021年9月9日

視光師 (I) 第 279 集

睇得電視多，覺得對眼朦朦地？係時候搵視光師啦！香港合資格嘅視光師原來非常搶手，一個星期跑幾間鋪已經係常態。

S1 · E280 · 2021年9月16日

視光師 (II) 第 280 集

做視光師，睇遠視近視就係基本，再要應付埋客人配眼鏡時出現嘅奇難雜症，包括：為副眼鏡揀到天黑嘅「選擇困難症」、遲咗成個月埋單錯失優惠嘅「拖延症」、唔肯認老花嘅「硬頸病」、為咗配眼鏡扮睇唔到嘢嘅「偽近視」…

S1 · E281 · 2021年9月23日

網店店主 (I) 第 281 集

有得創業做老闆，邊個會想做「奴工」？有班年輕人為逃出朝九晚五嘅魔咒，寧願冒險開店創業。但要創業都唔一定要從實體店著手，呢班人選擇開網店起步。網店店主從經營、揀貨、搵客一腳踢，到底經營網店係咪一如傳聞中投資少、風險低？

S1 · E282 · 2021年9月30日

網店店主 (II) 第 282 集

賺錢邊有咁容易？開網店「零成本」傳聞背後，有班網店店主捱更抵夜24小時湊客，仲要面對假入數紙呃錢、客人上門發火、遭無理抹黑，咁都仲唔夠，佢哋有人試過一夜間被封網店，心血全失！

S1 · E283 · 2021年10月7日

獵頭公司 (I) 第 283 集

有啲人呻搵工難，但其實請人一樣咁難，所以就需要獵頭公司幫忙啦！3 個 Headhunter 講佢哋點出盡法寶、扮鬼扮馬、神神秘秘幫客人搵到合符資格嘅 Candidate。仲會爆料一啲招聘奇聞同請人嘅 hidden criteria…

S1 · E284 · 2021年10月14日

獵頭公司 (II) 第 284 集

Headhunter 無論同客定求職者都要保持良好關係先長做長有，咁佢哋又會點做呢？坊間傳聞，有 Headhunter 為求做到生意會出賣美色，又係真唔係？

S1 · E285 · 2021年10月21日

神奇媽媽 (I) 第 285 集

喺考試大過天嘅香港，要湊住個天生認唔到字嘅小朋友，生活可以點過？

S1 · E286 · 2021年10月28日

神奇媽媽 (II) 第 286 集

成日都話「為母則強」，仲要湊住個特殊學習需要嘅小朋友，呢班「神奇媽媽」嘅自救計劃真係世界級：為咗小朋友返到學，P牌仔都變車神；仲要將屋企變成有繩網吊床嘅私人遊樂場；聽到阿仔被人恰，就要厚住面皮向學校討回公道！

S1 · E287 · 2021年11月4日

板仔 第 287 集

踩住塊板喺街頭奔馳，除咗「型」之外，對板仔嚟講更加係「自由」嘅象徵！雖然經常被貼上「街童」標籤，三位板仔懶理別人眼光，堅持踩板多年，亦遇上唔少深刻事件：偶遇仰慕多年嘅踩板偶像、街頭踩滑板突然被「挑機」、喺滑板場眾目睽睽下「筒袋」出醜……

S1 · E288 · 2021年11月11日

棟篤笑藝人 第 288 集

喺世界各地要做棟篤笑藝人，背後原來有極多辛酸，例如，喺美國想等到一個出道機會，好可能要先貼錢坐足一個月冷板凳；喺香港想搞一場表演，一係就台燈聲自己一腳踢、再唔係就要小心一啲飄忽搞手突然走佬。

S1 · E289 · 2021年11月18日

醫院化驗師 第 289 集

醫院化驗師被大學生譽為「大學三寶」: 起薪點高、最有「錢」途，但係又有人話︰醫院化驗師其實係「化驗之奴」！唔單止要驗屎尿、口水、寄生蟲，仲要捱夜趕報告，面對無數醫生姑娘催報告、抽血時俾V.I.P病人投訴，簡直係處於專業界最底嗰層。

S1 · E290 · 2021年11月25日

視障人士 (I) 第 290 集

我哋成日都會假設視障人士嘅生活有好多不便，但係喺點樣不便法呢？今集三位嘉賓，會講下佢哋失去視力嘅經過。有人未返過學就失去視力，仲要十幾歲至開始由零開始學凸字；有人初到職場就撞正視力衰退，為咗保住飯碗，要用盡方法扮正常。

S1 · E291 · 2021年12月2日

視障人士 (II) 第 291 集

同視障人士拍拖，有咩要注意？除咗要隨時捉緊身邊人，仲要練成行到邊講到邊嘅口才絕技。乜到睇唔到就等於無娛樂？三位嘉賓平日唔只照常行街睇戲，仲去過唔同國家旅行，見識唔同地方嘅無障礙文化。

S1 · E292 · 2021年12月9日

飲食版記者 (I) 第 292 集

傳媒唔易做，不過唔少人依然想做飲食版記者，因為覺得有得免費飲飲食食又有禮物收。飲食版記者就話係雖然有得免費食，但唔係大家諗到咁正，好唔好食都要放入口，仲要諗盡辦法形容畀讀者知食物味道，原來做飲食版記者要食餐飯都唔容易！

S1 · E293 · 2021年12月16日

飲食版記者 (II) 第 293 集

今時今日做飲食版記者要「十八般武藝」樣樣精通，識採訪、識影相、仲要上到鏡！３個飲食版記者點樣應付每日唔同嘅新挑戰呢？面對Foodie嘅崛起，呢班飲食版記者又點睇呢？算唔算同行定係競爭對手呢？佢哋仲會大談今時今日做飲食版記者嘅辛酸史。

S1 · E294 · 2021年12月23日

嘉年華職員 (I) 第 294 集

嘉年華有遊戲玩，又有獎品拎，好多人都會想去完再去。但喺呢個地方，原來有好多大家留意唔到嘅隱藏規則同埋秘技：有咩日子去會特別易贏？熱門攤位遊戲有咩機關令客人屢戰屢敗？得罪職員就註定點玩都空手而回？

S1 · E295 · 2021年12月30日

嘉年華職員 (II) 第 295 集

為咗一隻公仔，大家可以去到幾盡？有人會靠實力同技巧，成為每日滿載而歸嘅「獎品獵人」；有人靠財力，成為一擲千金都唔肉痛嘅「課長」；有人靠名氣同厚面皮，嘈到場地公關雙手奉上獎品…對呢啲玩家已經見怪不怪嘅攤位職員，會有咩方法應對？

S1 · E296 · 2022年1月6日

搭棚工人 (I) 第 296 集

無論嚴夏或是寒冬，總有班身手敏捷，隨手拎起十枝八枝長竹嘅搭棚工人化身飛天蜘蛛俠，喺幾十層嘅高樓攀爬搭起個棚架。大家路過舉頭望竹棚，但未必低頭知秘辛。

S1 · E297 · 2022年1月13日

搭棚工人 (II) 第 297 集

時有聽聞搭棚意外發生！連人帶狗臂架飛落街；長竹高處跌落，即場噴血入院；高空失足，慘變失憶傷殘，一切只因冇戴安全帶咁簡單？又有傳搭棚工人都有鋼條身型、手瓜起腱；攀爬外牆，見盡家庭八掛事；人有三急更會喺棚上解決……種種傳聞是真是假？

S1 · E298 · 2022年1月20日

搬運工人 (I) 第 298 集

無論搬屋、搬廠、搬寫字樓，最緊要就係有一班搬運師傅大大力支援！今集搵到三位師傅坐鎮，講下做搬運公司有幾辛苦：日日搬到無停手、好天狂曬、落雨淋到濕哂都要保住批貨，見到垃圾屋都要忍住照搬。

S1 · E299 · 2022年1月27日

搬運工人 (II) 第 299 集

一班搬屋界大師，開工時曾經遇上各種離奇經歷：有師傅搬屋搬着鬼屋、又有神化客人一句說話令佛像變輕、搬到新屋至發現入唔到伙。

S1 · E300 · 2022年2月3日

塔羅師 (I) 第 300 集

講起塔羅占卜會諗起咩？仲諗起「入黑房」、「捽水晶球」、「恐怖死神牌」？咩年代呀！塔羅牌唔係得複雜難明嘅圖案，可愛寵物、熊仔糖、著到潮童咁款嘅公仔都可以係卡牌畫風；隨時隨地都可以玩塔羅占卜，大至問健康金錢人際，小至問阿仔成績、隻貓諗咩又得。

S1 · E301 · 2022年2月10日

塔羅師 (II) 第 301 集

「係咪有第三者？」「佢會唔會還錢？」「點解佢唔鍾意我？」塔羅師每日都要面對呢啲仲難答過「跌落海救邊個？」 嘅問題；除咗要做占卜解難，塔羅師仲要做埋心理諮商，表面上坐低傾兩句收錢，實際係惡啃、奇怪嘅客人一個接一個。

S1 · E302 · 2022年2月17日

驗樓師 第 302 集

「上樓」係好多人嘅目標同夢想，但千幾萬買層新樓返嚟，竟然問題多多？今集三位驗樓師大爆驗樓奇聞：地板不平、牆身有漬、漏水不特止，仲竟然變咗老鼠竇？搵咗驗樓師幫手，又係咪貼得愈多 memo 就愈好？驗樓術語多羅羅，你又識幾多？

S1 · E303 · 2022年2月24日

滅蟲師傅 (I) 第 303 集

見過網上流傳嘅曱甴屋，相信你都會佩服滅蟲師傅嘅勇氣同專業。今集三位滅蟲師傅上嚟話畀大家知，原來做滅蟲師傅除咗要有各種蟲患知識，仲要有一顆幫人嘅心。三位滅蟲師傅分享滅蟲趣事，極麻煩嘅滅蟲個案，仲為主持解答各種預防蟲患嘅問題。

S1 · E304 · 2022年3月3日

滅蟲師傅 (II) 第 304 集

見過網上流傳嘅曱甴屋，相信你都會佩服滅蟲師傅嘅勇氣同專業。今集三位滅蟲師傅上嚟話畀大家知，原來做滅蟲師傅除咗要有各種蟲患知識，仲要有一顆幫人嘅心。三位滅蟲師傅分享滅蟲趣事，極麻煩嘅滅蟲個案，仲為主持解答各種預防蟲患嘅問題。

S1 · E305 · 2022年3月10日

女僕 café 店員 (I) 第 305 集

女僕 café——去開嘅人覺得好夢幻；未去過嘅人就對呢個地方充滿疑問。而對幾位女僕嚟講，呢度唔只係佢哋打工嘅地方，更加係一個洋溢日本文化嘅樂園。究竟女僕 café 店員嘅職責，同普通茶記侍應有咩分別？係咪一定要靚女先做到女僕？

S1 · E306 · 2022年3月17日

女僕 café 店員 (II) 第 306 集

女僕 café 打開門做生意，當然歡迎任何客人去幫襯：既有同閨密一齊去嘅少女，亦有被另一半夾硬拉埋一齊去嘅情侶。

S1 · E307 · 2022年3月24日

全職爸爸 (I) 第 307 集

打工就話好多嘢份糧包埋，難哽都要哽，但係今集嘅三位全職爸爸就話俾大家知就算冇糧出、工作好惡頂都心甘命抵放棄事業做個湊仔公。

S1 · E308 · 2022年3月31日

全職爸爸 (II) 第 308 集

點先係稱職嘅全職爸爸？除咗屋企到底仲有冇自己生活？睇落風平浪靜嘅幸福生活會唔會有暗湧？

S1 · E309 · 2022年4月7日

直播主 (I) 第 309 集

做直播可以搵食？喺廿一世紀搵錢唔一定要打工、做生意，留喺屋企都大把方法賺到錢。四位直播主話畀大家知做直播到底係點賺錢，直播期間又可以做咩？

S1 · E310 · 2022年4月14日

直播主 (II) 第 310 集

想做直播主維生，就好依靠觀眾課金支持，四位直播主又點睇佢哋同觀眾之間嘅關係呢？如果真係有觀眾追求直播主，佢哋又會點應對？

S1 · E311 · 2022年4月21日

追星族 (I) 第 311 集

有人會通宵排隊賣飛，都唔想錯過見偶像一面﹔有人會大灑金錢買專輯，都要幫偶像推音源﹔有人會因為想拉近同偶像嘅距離，而去留學學語言。尖叫聲、歡呼聲背後，到底追星族嘅世界同諗法係點樣？追唔同國家嘅明星仲有唔同遭遇？

S1 · E312 · 2022年4月28日

追星族 (II) 第 312 集

有人話，偶像係粉絲嘅心靈寄託，粉絲係偶像嘅最強後援。今時今日要追星，各位「最強後援」要搶飛睇演唱會、買專輯、通宵排隊已經係等閒事，背後更多仲有為偶像整廣告應援、食物應援、搞大型應援活動、派應援物…追星真係會使人快樂？

S1 · E313 · 2022年5月5日

茶飲店店員 (I) 第 313 集

茶飲店出品好似間間都差唔多，但點樣可以喺咁多競爭者中突圍而出？每間茶飲店，又會唔會有獨門秘方？以為茶飲店店員好易做，但原來記晒咁多杯飲品嘅配方，都唔係咁容易，有啲店舖仲要求員工考試！

S1 · E314 · 2022年5月12日

茶飲店店員 (II) 第 314 集

去茶飲店落單都有一堆迷思：究竟嗌少冰係咪會多啲奶茶？果味飲料係咪完全都冇生果？少甜微甜係咪都係隨心？有時客人諸多要求，後面明明排晒長龍都仲要左諗右諗，遲遲揸唔定主意，店員有咩方法應對？客人無理事情多籮籮，竟然真係有人要求「黑糖珍珠走黑糖」！

S1 · E315 · 2022年5月19日

平面設計師 (I) 第 315 集

聞說要做平面設計師除咗要有一個新鮮嘅肝臟，仲要有超高嘅EQ；「OT到凌晨3點」、「個客又要改嘢」、「marketing 同事催稿」、「單 job 壓價」、「連續幾日冇返屋企」係等閒事。

S1 · E316 · 2022年5月26日

平面設計師 (II) 第 316 集

以下係平面設計師每日都會聽到嘅說話：「想 creative 啲，你識唔識㗎？」、「Logo移左 1mm」、「隻色唔靚喎」；沒有更嬲，只有更 mean，日日要應付個客嘅歪理，仲要被人壓價到月薪九千返足六日，所以有人話：「做設計慘過食屎」。

S1 · E317 · 2022年6月2日

訓犬師 (I) 第 317 集

香港人好大壓力，讀書有壓力、返工有壓力、原來連養狗都會有壓力。作為主人，如果你隻狗仔會咬人，唔好諗棄養先，搵訓犬師可能幫到你！4位嘉賓講自己點成為全職訓犬師，由教自己隻狗變到教人哋隻狗。

S1 · E318 · 2022年6月9日

訓犬師 (II) 第 318 集

有啲人以為訓犬師係同狗仔玩，好輕鬆。但其實唔係咁簡單，除咗要用體力、腦力教狗，仲要教埋主人。到底教人難啲定教主人難啲呢？除此之外，教狗原來都好危險，隨時被狗咬。

S1 · E319 · 2022年6月16日

採耳師 (I) 第 319 集

夏天為大地帶來水上活動，水上活動為大家帶來耳垢積聚～近期興起採耳行業，人人都走去試。聲稱可以做到耳根清淨之餘，又可以按摩輕鬆，更會幫大家達到「顱內高潮」？真唔真呀？就等主持試試採耳師嘅工具！到底佢哋用咩工具搞到連主持大叫舒服？

S1 · E320 · 2022年6月23日

採耳師 (II) 第 320 集

你係咪成日覺得耳仔好痕？你係咪又長期戴入耳式耳機聽足全日歌，咁你就要留意！

S1 · E321 · 2022年6月30日

劏房戶 (I) 第 321 集

香港地寸金尺土，上唔到車又想有私人空間，有啲人會選擇住劏房！但講到住劏房嘅辛酸事，「冬天沖涼」絕對走唔甩 - 面對「儲水式熱水爐」只有數分鐘嘅熱水供應，嘉賓已經練成快速沖涼策略！

S1 · E322 · 2022年7月7日

劏房戶 (II) 第 322 集

蛇蟲鼠蟻一直都係令人頭痛嘅存在，如果屋企裡面有大量害蟲，就更加令人不知所措！幾位劏房戶細數屋企嘅恐怖畫面：床下底埋藏幾百粒曱甴卵、門外被幾隻大曱甴包圍、後樓梯每日都見到同一隻死老鼠冇人清理……可怕經歷多籮籮，但有趣事情都唔惹少！

S1 · E323 · 2022年7月14日

異地戀人 (I) 第 323 集

好多人話 LongD 好難，上網睇仲話十對有九對會分手收場，到底係咪真呢？今集請嚟四位經歷過或者經歷緊 Long D 嘅嘉賓，講下點解咁勇敢去開始 Long D 戀情，分享點樣維繫 Long D 戀情。

S1 · E324 · 2022年7月21日

異地戀人 (II) 第 324 集

Long D 可以好甜蜜，但都可以好麻煩。Long D 最困難唔止無得掂，鬧交仲要無得氹，唔花多幾倍心機都搞唔掂！原來異地戀最大挑戰係傾點結束異地戀，總要有人肯妥協搵個地方共同相處，有啲人因此分手、有啲人有美滿結果、亦都有人就仲爭扎緊。

S1 · E325 · 2022年7月28日

單親孩子 (I) 第 325 集

好多人覺得「合久必分」係平常事，由其係喺香港呢個離婚率高企嘅城市，「離婚」情況更加普遍！但面對呢個情況，牽涉嘅唔只係男女雙方，佢哋嘅仔女亦都係受影響嘅一群。今集幾位單親孩子現身說法，講吓父母離異對佢哋嘅影響：父母分開未必係壞事？

S1 · E326 · 2022年8月4日

單親孩子 (II) 第 326 集

人生好多嘢都唔到我哋揀：出唔出世冇得揀；父母離唔離婚冇得揀；甚至父母分開後，自己跟邊個生活都冇得揀……幾位單親孩子分享各自嘅無奈故事：老竇長期唔蒲頭，仲留低一筆債，迫到阿媽單方面申請離婚；阿爸當日留低字條就一走了之，突然變咗單親孩子！

S1 · E327 · 2022年8月11日

大學莊員 (I) 第 327 集

大學五件事，唔係食玩瞓摺 hea，係讀書、拍拖、住 Hall、做 Part-time、「上莊」。講起「上莊」，大家可能好陌生，只係知一班大學「莊員」著晒西裝喺大學到 dem beat 宣傳。

S1 · E328 · 2022年8月18日

大學莊員 (II) 第 328 集

叮噹叮噹～同學各位，找個位……新學年即將開始，喺投入大學新生活前，當然要參加大學入學必玩嘅 O camp！到底係咪真係玩「淫 game」？嗌晒口號、押韻嘅 dem beat 詞係點諗出嚟？玩O camp會玩咩？

S1 · E329 · 2022年8月25日

美術指導 (I) 第 329 集

美術指導呢個位，好多人都未必清楚做啲咩，其實上至電影，下至短片 MV，無論係佈景抑或道具服裝，但凡喺畫面上見到嘅嘢，通通都關佢哋事。

S1 · E330 · 2022年9月1日

美術指導 (II) 第 330 集

一班無所不能嘅美術指導，面對幾多麻煩又無理嘅要求，都依然可以見招拆招。當「限米煮限飯」成為基本技能，一路貼錢做一路去追數成為常態，原來佢哋不知不覺中，已經練成周身刀，為日後轉行做廚師/搬運工/收數佬做好準備。

S1 · E331 · 2022年9月8日

混血兒 (I) 第 331 集

成日話香港係「國際大都會」，所以真係咩種族嘅人都有，當中仲有一部分人係混血兒。今集請嚟四位混血嘉賓，分別有混尼日利亞、泰國、中東同孟加拉，佢哋會分享下喺香港嘅生活，打破一般人對混血兒嘅迷思！混血兒都講到一口流利廣東話、講嘢同性格仲超級貼地！

S1 · E332 · 2022年9月15日

混血兒 (II) 第 332 集

雖然種族共融係世界大趨勢，但係混血兒嘅成長過程，好似喺求學同工作期間，就因為呢個身份而遇過一啲問題，同時佢哋自己亦都會有身分認同嘅問題，令到同樣身為混血兒嘅 Asha 都愈聽愈有同感！

S1 · E333 · 2022年9月22日

美容業從業員 第 333 集

貪靚係人嘅天性，但喺疫情影響下，好多人都冇得去美容院扮靚，對一班美容業從業員嚟講，更加係災難！面對生意額大跌，呢班從業員又點生存？即使防疫措施放寬，佢哋亦都要加快步伐，由朝做到晚，務求留住班客人。

S1 · E334 · 2022年9月29日

留學生 (I) 第 334 集

離開香港去外地留學，有人係為咗興趣，有人係因為移民，有人本身想原地升學，奈何公開試考唔夠分。但無論係咩原因，出去讀書最重要嘅都係錢銀。雖然有人靠屋企，有人靠自己，但係講到尾，最緊要都係可以融入當地。

S1 · E335 · 2022年10月6日

留學生 (II) 第 335 集

去到外地生活，總會遇上層出不窮嘅奇人奇事：諗住雲遊四海到處遊歷，點知未出發已經遇到騙徒呃飯食；純情學生妹好心幫咗個陌生人，點知最後惹到麻煩上身；以為一場朋友實冇死，點知人哋收埋武器送埋俾你，隨時惹禍上身嚇餐死。

S1 · E336 · 2022年10月13日

農業從業員 (I) 第 336 集

今年經過疫情運輸受阻、颱風接踵而來，最受影響嘅人除咗係一班打工仔，仲可能係最接近天災嘅本地農夫！農夫除咗要面對「風雨連綿，浸爛晒田」、「耕種失誤，虧蝕數以萬計」，更不時與小動物鬥智鬥力，展開農耕攻防戰。到底「粒粒皆辛苦」又有幾辛苦？

S1 · E337 · 2022年10月20日

農業從業員 (II) 第 337 集

有人話，香港有土地問題。但係喺傳聞中寸金尺土嘅土地上，一班本地農夫仍然可以搵到立足之地，耕種遼闊嘅原野，播下照顧他者生命嘅種子。

S1 · E338 · 2022年10月27日

高佬高妹 (I) 第 338 集

佢哋未必做到人中之龍，但就肯定係人群最高。好多人日日拉筋飲奶，都係務求高多一兩寸，生得高究竟有冇祕技？就等呢班高人話畀你知。身為高人，心理質素都要有返咁上下，畀人當「異類」嘅目光唔係個個都頂得住。

S1 · E339 · 2022年11月3日

高佬高妹 (II) 第 339 集

望得遠啲、空氣清新啲，大家都知生得高嘅好處。但「高處不勝寒」，生得太高隨時連同隔離嗰個人傾計都成問題。生得高、氣場大，連識朋友都難啲，呢班高人咁多年嚟，都累積咗唔少相處小秘笈。

S1 · E340 · 2022年11月10日

女子足球員 (I) 第 340 集

不惜氣力嘅飛奔、奮不顧身嘅飛鏟、炮彈式嘅勁射，呢啲唔止係喺英超西甲先見得到，就連女子足球比賽都睇得到！踢波，唔再係男仔嘅專利！

S1 · E341 · 2022年11月17日

女子足球員 (II) 第 341 集

為咗足球夢，到底可以去至幾盡？一班本地女子足球員，就算只係業餘性質冇人工，都依然喺球場上揮灑汗水。而女仔踢波，唔止比男仔更容易變成「傷膝青年」，而且面對每月一度嘅「親戚探訪」，踢起上嚟更加係「百上加斤」。

S1 · E342 · 2022年12月1日

騙案受害人 第 342 集

騙徒嘅手法層出不窮，無論求職、投資定借錢隨時都可能墮入騙徒嘅陷阱。小則財物損失，大則隨時無意間成為共犯要去坐監。有時再三小心同 fact check 可能都避唔過騙徒嘅層層障眼法，有人未畢業就欠人一身債，有人甚至俾人落案起訴。

S1 · E343 · 2022年12月8日

情趣用品店店員 (I) 第 343 集

聞說行入情趣用品店就好似闖入異世界，色彩繽紛嘅避孕用品、奇形怪狀嘅性玩具，仲有仿如真人嘅矽膠公仔迎接你……咪住！Don't FF too much！

S1 · E344 · 2022年12月15日

情趣用品店店員 (II) 第 344 集

當大眾對性睇法愈來愈開放，情趣用品同性生活玩法就唔再單一。除咗搔癢類、捆綁、高潮液、放置play，仲有人嘅性癖好係大家都估唔到，嚇到兩位主持聽到仲大叫唔好。香港人仲係敢玩唔敢講？今集《頭盔》情趣用品店店員同大家分享港人玩另類玩具嘅趣聞！

S1 · E345 · 2022年12月22日

的士業從業員 (I) 第 345 集

大家成日鬧的士司機係「的士狗」，究竟行內人又點睇呢個稱號？揸的士就一定態度差？今集就等幾位嘉賓親自平反！除咗前線嘅司機之外，仲請嚟喺背後打理大小事務嘅的士管理人親身說法，講講行內嘅黑暗事。

S1 · E346 · 2022年12月29日

的士業從業員 (II) 第 346 集

法例規定的士司機唔可以拒載，但作為乘客偏偏成日遇到「唔過海」嘅司機，尤其係返工放工時間，要成功截車真係唔容易！究竟的士司機點解咁唔鍾意過海？除咗怕塞車之外，的士司機仲有一類客最怕──醉酒客！幾位的士大佬有咩可怕經歷？

S1 · E347 · 2023年1月5日

傢俬店員工 (I) 第 347 集

想打造一個安樂窩，揀啱傢俬好重要！但係喺香港買傢俬，無論質素同價錢都好參差，幾位傢俬店員工有咩貼士俾大家？如果預算有限，有咩方法可以執到平貨？某連鎖傢俬店設計到好似迷宮咁，新員工返工會唔會迷路？客人想走捷徑又有冇方法？

S1 · E348 · 2023年1月12日

傢俬店員工 (II) 第 348 集

傢俬舖裡面咩人都有：志在嘆冷氣嘅阿伯、玩捉伊人嘅細路、當正間房係自己屋企嘅小情侶…… 每日喺傢俬舖返工，食食埋埋都唔少花生！究竟喺咁多千奇百怪嘅客人之中，有咩事件令幾位嘉賓最深刻？喺香港買傢俬，有咩材料最物超所價？

S1 · E349 · 2023年1月19日

舞獅師傅 (I) 第 349 集

就到新年，大家成日講幾時收爐，但有一班人偏偏喺大家食瓜子打麻雀嘅時候，要由朝忙到晚，日日瞓得2、3個鐘，呢班人就係舞獅師傅喇。

S1 · E350 · 2023年1月26日

舞獅師傅 (II) 第 350 集

新年時間，大家點都會睇過一兩場舞獅表演，但係精彩表演背後，原來大把危險場面，傷到見骨，不過呢樣都唔係最令舞獅師傅怕嘅嘢，有一樣嘢每位舞獅師傅表演時都好怕遇到，但係又一定會遇到，究竟係咩？

S1 · E351 · 2023年2月2日

婚姻輔導員 (I) 第 351 集

有感情問題想搵人傾，又搵唔到愛情顧問廸偉點算好？其實都仲可以搵婚姻輔導員嘅～原來要做婚姻輔導員係要讀唔少書，輔導學、心理學、婚姻及家庭治療等等，唔止傾偈咁簡單。咁四位嘉賓點睇啲「人生教練」呢？

S1 · E352 · 2023年2月9日

婚姻輔導員 (II) 第 352 集

每對伴侶都唔會完全無問題，四位嘉賓都話婚前輔導好重要，咁婚前輔導會做啲咩呢？香港常見嘅婚姻問題又有咩呢？婚姻輔導員們打破大家對婚姻嘅幻想，結婚唔等於「王子同公主永遠快樂地生活下去」，唔好諗住對方奉旨對自己好。

S1 · E353 · 2023年2月16日

歌唱老師 (I) 第 353 集

如果五音不全，又熱愛唱歌，就需要搵歌唱老師惡補啦！不過市場好多海鮮價，四位嘉賓直指學唱歌分分鐘過千元一堂，咁即係做老師就好好賺？四位嘉賓認同，但真係「人睇我好，我睇你好」！

S1 · E354 · 2023年2月23日

歌唱老師 (II) 第 354 集

究竟點解會想學唱歌？四位嘉賓笑指除咗真係想做歌手，亦有學生係為咗識女仔，更有為同老師「集郵」影相！嘉賓分享印象最深刻嘅學生、點睇家長帶小朋友學唱歌、做歌唱老師最大嘅心酸等等。

S1 · E355 · 2023年3月2日

天使父母 (I) 第 355 集

做父母係一件開心事，但有一種父母，孩子對佢哋嚟講係永遠嘅傷痛，佢哋就係天使父母，即係失胎或者流產嘅父母。醫生對天使父母失去小朋友嘅原因，通常都會畀出同一個原因，呢個係咩呢？其中一位天使媽媽分享有一個地方對於流產嘅處理，比香港好得多，係邊度？

S1 · E356 · 2023年3月9日

天使父母 (II) 第 356 集

對天使父母嚟講，孩子係佢哋永遠嘅傷痛。當小朋友走咗之後，佢哋最怕其他人同佢哋講一句說話，呢句說話點樣影響佢哋？呢份傷痛又可以點樣面對？佢哋會想身邊朋友點樣陪伴佢哋渡過呢？留意今集《又要威又要戴頭盔》。