所有分集

台南意麵，係南台灣人從細食到大嘅味道。Alice同Phoebus先去到舊式菜市場搵窩燒意麵，了解呢碗點樣帶動市場人流。之後再去試意麵72變，汕頭意麵、鱔魚意麵、鹽水意麵，款式多多，但每一種都係台南人嘅日常。

客家人以米為主食，佢哋有兩種以米為主要原材料嘅麵食。Alice同Phoebus離開城市去到美濃嘅客家村落，接觸用在來米整嘅粄條——質感比一般麵條更滑、更厚實，配上客家炒料，樸實但滋味。

一碗麵線，係台灣人嘅集體記憶。Alice同Phoebus探訪手工麵線廠，學整福洲派手工麵線，親眼見證同體驗細如髮絲嘅麵線係點樣一條條拉出嚟。

一擔、一爐、一碗麵——擔仔麵係台南嘅靈魂。Alice同Phoebus先去台南擔仔麵一級戰區－赤嵌樓附近，連食3間擔仔麵店﹐比較一下有咩分別。

你相信一碗牛肉麵可以幫一個家庭由負載到賺錢，甚至可以開分店嗎？呢個正係台南一間牛肉麵店嘅故事，Alice同Phoebus去到餐廳試食，同了解呢碗牛肉麵成功嘅秘密。

大火、豬油、黑醬油—炒粿條係檳城飲食文化嘅代表作。Phoebus同Alice喺檳城著名夜市汕頭街搵到四大天王之一嘅炒粿條攤，望住師傅喺熊熊火焰下翻炒，兩人亦試炒一次聞到嗰陣「鑊氣」已經肚餓。

喺馬來西亞，同一碗麵可以叫Curry Mee、Curry Laksa，又或者Laksa Lemak——唔同地方、唔同族群，叫法各異，但講嘅都係同一碗椰漿咖哩湯麵。

亞參叻沙嘅酸同鮮，唔係人人鍾意。Phoebus同Alice今集專攻酸辣魚湯麵，先食一碗標榜酸、甜、鮮、辣味嘅比例平衡嘅麵店，了解味道複雜嘅亞參叻沙入面有咩香料，同小店得獎無數嘅原因。

喺炒粿條嘅光芒背後，有一碗更日常嘅存在——粿條湯。Phoebus同Alice今集清晨就出發，探訪檳城街坊清早食三味粿條湯嘅日常，感受呢碗加咗苦瓜、檸檬嘅湯麵，點樣帶畀在地人一個清爽嘅開始。

Phoebus同Alice先食一間充滿古早味、家庭式經營嘅福建麵店，試下真材實料用9公斤蝦頭蝦殼炒香在熬煮嘅湯麵，到底有幾濃味？搵搵下發現，原來都有吉隆坡福建麵，兩者同名但完全唔同——檳城版係濃郁蝦湯麵；吉隆坡版就係黑醬油粗炒麵。

炸醬麵，係韓國人嘅日常，有統計顯示韓國人每年消費超過數十億碗。炸醬麵銷量驚人嘅原因，可能係因為佢又平又一定可以填飽你個胃，Phoebus同Alice先去食一間以手工拉麵為賣店嘅老店。

一講起韓國嘅麵，你一定會諗起冷麵，雖然拍攝期係寒冬，但敬業嘅Phoebus同Alice都特登去搵冷麵專賣店食。先食新式蔬菜沙冰湯底首爾冷麵，之後再upgrade食韓牛冷麵。

刀切麵同麵疙瘩係韓國最親民嘅麵食，但今集Phoebus同Alice發現，呢碗麵可以有幾多種面貌。先食《黑白大廚》參加者嘅清湯經典版，邊食邊了解大廚點樣憑一碗麵紅遍韓國、台灣同香港。

今集係Phoebus同Alice最考驗嘅一集——全程食辣。由甜辣嘅辣筋麵、香辣嘅辣章魚麵，到火辣嘅炒碼麵。先食食頭兩種小試牛刀，鍾意食辣嘅Alice一邊話辣一邊食；相反怕辣嘅Phoebus都已經一路食一路擦汗，睇得出兩個人食辣嘅距離有幾大。

韓國篇壓軸，Phoebus同Alice放低辣椒，探索韓國麵食最溫柔嘅一面。先食香氣獨特嘅紫蘇籽湯刀切麵，再試濃郁滋潤嘅豆漿麵，最後以冬日暖心之選紅豆湯麵作結。三碗麵，三種天然食材，食出韓國麵嘅純粹同自然滋味，成為整個節目最療癒嘅ending