所有分集

臥底再次北上進行任務，全程由西九龍高鐵站出發直達目的地，第一團潛伏湖南郴州4天團，一到埗就被漫天櫻花重重包圍，妹姐置身花花世界之中難以自拔。之後又奔馳於一望無際嘅【蓼江油菜花田】，坐吉普車遊【郴州小洱海】，再坐專用攝影船近距離欣賞小東江嘅“漁夫撒網”。最後登上有南中國第一山峰之稱嘅【五指峰】，行走無盡彎曲嘅索道、感受雲海嘅翻騰，行足5個鐘臥底腳都軟能否完成任務呢？

臥底高鐵團玩轉福建嘅廈門、泉州同漳州。為食妹姐去到廈門鼓浪嶼食嘢食出禍，經一事係咪會長一智呢? 走入泉州體驗千年獨特文化「非遺簪花」，阿正妹頭第一次戴到成頭花變身劍俠同花村女，係古色古香嘅“蠔宅”內相生相殺。潛入海上佛國感受被四面環海巨大礁石圍住嘅寺廟。最後更沉浸在漳州土樓漫遊古鎮，參與瘋狂的篝火晚會。

《臥底高鐵團》又出發！今次潛入江西五天團。呢團對妹姐來說是意志與體能的大考驗。 首先挑戰上「廬山」，試圖揭開「廬山真面目」；面對無盡的山路與漫天雲霧臥底迷失了，如何脫險？ 緊接要一口氣征服九百幾級樓梯，攀頂拜見東林大佛，妹姐有咩籍口唔上？抑或一路上一路叫苦連天？ 一山未停一山又來，大隊繼續勇闖中國最美古村篁嶺，尋找屋頂上色彩斑斕的「曬秋」美景。 又夜探兩大網紅打卡點望仙谷同婺女洲，全程充斥著汗水與體能的考驗。

臥底高鐵玩轉重慶5天團。一到步先夜遊山城名勝洪崖洞，妹姐搵當地專人打卡，點解效果大失所望？ 必吃重慶火鍋，阿正究竟食左乜嘢攪到妹姐無哂胃口呢？走入古鎮實試當地傳統「採耳」，阿正爽到爆，妹姐大叫救命，點解會有咁大反差呢？ 去到必打卡景點‘李子壩輕軌穿樓”，妹姐施展渾身解數都未能打卡成功，最後幸得高人指點完成任務，究竟打卡秘訣係咩呢？

「臥底高鐵團」5天貴州團，參觀亞洲第一大黃果樹大瀑布，阿正妹頭置身水簾洞感受瀑布水花嘅威力，讚嘆雨後彩虹嘅奇幻美景。 在千戶苗寨突然有位團友送個大”柑”比佢哋，佢哋又會揀咩回禮呢?阿正食團餐食到豬牛不分，即場被大廚取笑，點解會咁失敗呢？ 今團碰巧凱里苗侗風情園舉行「村T民族服飾時裝show」，阿正睇模特兒們行cat walk睇到心心眼，佢嘅心水佳麗會係咩類型呢？ 仲包船遊覽烏江寨度假區，絕技獨竹漂嘆為觀止。

臥底再次潛入潮汕3天團。妹姐一落車就係揭陽古城大開食界，甜湯、普寧豆腐、潮汕牛丸、墨魚丸，為要尋找最好味的潮汕牛丸。 首遇一個景點兩種玩法，日頭花果山水簾洞變身馬騮精跳來跳去，夜晚深入植物迷宮搵出路，臥底都比人玩到陀陀擰。 畏高妹姐再次挑戰景區纜車，雙腳凌空吊吊揈，佢會唔會又被嚇破膽？ 團餐有潮汕牛肉任食，鵝肝及巨大鵝翼，仲有汕頭經典十二道菜，連住兩晚新酒店，要幾開心有幾開心。