Tutti gli episodi

Minchie cannot believe that Dio betrays her and chooses to marry Dara instead. She then gets kicked out of a singing group, where she's a backup singer. Just when she thinks all things have fallen apart, another surprise hits her hard.

Pinagbabawalan ni Minchie (Manilyn Reynes) si Jenny (Zephanie) na kumanta o umattend sa mga concert show dahil ayaw niya itong matulad sa kanya. Ngunit hindi titigil ang dalaga sa pag-abot ng kanyang pangarap, kaya sa ngayon ay itinatago niya muna ang kanyang talento sa marami.

Naglabas ng galit si Minchie kay Jenny dahil umattend ito sa mall show nang walang pahintulot niya. Samantala, muling naaalala ni Megan ang aksidente na nagdulot sa kanya ng matinding guilt at trauma.

Umalis si Megan (Olive May) sa grupong NIXI dahil sa kanyang attitude problems at nangako sa kanyang ina na bubuo siya ng sarili niyang girl group.

Isang producer ang nakadiskubre kay Jeni (Zephanie) at nais siyang mag-audition para sa binubuo nitong bagong girl group.

Mahaharap si Jeni sa isang malaking desisyon—ipagpapatuloy ba niya ang audition para sa kanyang pangarap na maging P-pop idol, o susundin niya ang kagustuhan ng kanyang ina at uunahin ang entrance exam?

Tinanggap ni Jeni (Zephanie) ang lahat ng masasakit na salitang ibinato ni Minchie (Manilyn Reynes) sa kanya dahil sa pagsuway niya sa utos nito.

Nagdesisyon si Jeni (Zephanie) na sumali sa isang singing competition sa kanilang lugar upang kumita ng pera at makatulong sa pagbabayad ng utang ng kanyang pamilya.

Matapos ang ilang taon ng paghihiwalay, muling nagsama ang Rosabellas sa pagbubukas ng restaurant ni Charice (Tina Paner). Ito na kaya ang simula ng pagkakaayos nina Minchie (Manilyn Reynes) at Dara (Vina Morales)?

Ayaw ni Nate (Michael Sager) na makatrabaho ang kapwa niya nepo singer na si Megan (Olive May) dahil sa pangit nitong record sa showbiz.

Masayang napanood ni Minchie (Manilyn Reynes) kung gaano kagaling umawit ang kanyang anak, ngunit hindi pa rin niya susuportahan ang pagsali nito sa industriya.

Ang nakaraan na pilit tinatago ni Minchie (Manilyn Reynes) ay unti-unti nang nabubunyag, at hindi na niya ito maitatago pa kay Jeni (Zephanie).

Sinabi ng record label producer na si Monica (Roselle Nava) kay Amelia (Tessie Tomas) na hindi ganoon kagaling ang kanyang apo na si Megan (Olive May) at wala itong star potential.

Hinabol ni Jeni (Zephanie) ang mga nandukot ng kanyang pang-tuition fee, ngunit napagbintangan siyang kasabwat ng mga ito kaya siya rin ay nakulong.

Matapos tulungan at alagaan ni Jeni (Zephanie) si Amelia (Tessie Tomas), nais niya itong hanapin upang maayos na magpasalamat at mas makilala pa. Samantala, hinahanap din siya ni Nate (Michael Sager) upang mapasali sa bagong girl group ng kanyang ina. Mahahanap kaya nila siya?

Binigyan ni Nate (Michael Sager) si Jeni (Zephanie) ng isang malaking oportunidad upang makasali sa P-pop girl group na binubuo ng Astra M label.

Dahil sa impromptu performance ni Jeni (Zephanie), nadiskubre siya ng isa sa mga producer ng Astra M at pinilit na mag-audition.

Hindi tinanggap ni Minchie (Manilyn Reynes) ang alok ng Astra M na isali si Jeni (Zephanie) sa girl group na binubuo ng record label.

Nakokonsensya na si Minchie (Manilyn Reynes) dahil sa pagiging hadlang niya sa mga pangarap ni Jeni (Zephanie), kahit na sinusuportahan siya ng kanyang anak sa kanyang mga negosyo.

Sa pagpayag ng kanyang ina na sumali siya sa boot camp ng Astra M ay agad na nag-empake si Jeni (Zephanie) upang sumunod sa iba pang trainees na kasali.

Magsisimula na si Jeni (Zephanie) sa kanyang pagsasanay upang maging P-pop idol kasama ang kanyang mga kaibigan. Ngunit magiging maayos kaya ang kanyang training sa Astra M boot camp, lalo na’t tila mainit ang mga mata sa kanya ni Megan (Olive May)?

Magsisimula na ang matinding pagsasanay para sa mga P-pop hopefuls. Kakayanin kaya ni Jeni (Zephanie) ang hamon, lalo na’t hindi maganda ang first impression niya sa kanilang head coach na si Vanna Grande (Sheryl Cruz)?

Naniniwala si Jeni (Zephanie) na may taong humahadlang sa kanyang landas upang maging P-pop idol, at pinaghihinalaan niya na si Megan (Olive May) ito.

Pinipilit ng producer ni Dara (Vina Morales) ang pagbabalik ng Rosabellas at ang pakikipag-ayos nito kay Minchie (Manilyn Reynes) sa kanyang legacy concert. Papayag kaya siya?

Dahil sila ang top 1 at 2, napilitan sina Megan (Olive May) at Jeni (Zephanie) na maging mag-partner para sa duet performance task sa boot camp. Magiging maayos kaya ang kanilang samahan o lalo lang itong magpapalala ng kanilang alitan?

Nagalit ang ilang kapitbahay ni Minchie (Manilyn Reynes) dahil hindi pa rin nito nababalik ang perang kinuha ng scammer na nagpanggap na magtatayo ng negosyo at palalaguin ang kanilang pera.

Nagplano sina Megan (Olive May) at kanyang grupo upang tuluyang mapaalis si Jeni (Zephanie) sa kompetisyon.

Nalungkot si Jeni (Zephanie) dahil hindi siya dinalaw ng kanyang mga magulang sa oras ng visitation sa boot camp.

Uminit ang tensyon nang matuklasan ni Dara (Vina Morales) na nanghihiram ng pera si Minchie (Manilyn Reynes) kay Charice (Tina Paner), at lalo pa niya itong ipinahiya sa pagsasabing hinding-hindi ito aabot sa kanyang tagumpay.

Inaresto ng pulis si Minchie (Manilyn Reynes) dahil sa kasong panloloko at pagnanakaw sa harap nina Dara (Vina Morales) at Charice (Tina Paner).

Kahit ipinagbabawal, umalis si Jeni (Zephanie) sa boot camp upang bisitahin ang kanyang ina sa kulungan.

Sa tulong ni Nate (Michael Sager), nakaipon si Jeni (Zephanie) ng sapat na pera upang mapalaya ang kanyang ina mula sa kulungan.

Magkakaroon kaya si Jeni (Zephanie) ng pagkakataon upang mapatunayan ang kanyang sarili, makabalik sa kompetisyon, at ipaglaban ang kanyang pangarap?

Sa tulong ni Amelia (Tessie Tomas), muling nakapasok si Jeni (Zephanie) sa boot camp na lubos na ikinagalit ni Megan (Olive May).

Upang hindi makasali si Jeni (Zephanie) sa final showdown sa boot camp, gagawa ng paraan si Megan (Olive May).

Inanunsyo ni Monica (Roselle Nava) ang final five na bubuo ng P-pop group ng Astra M: Megan (Olive May), Alfea (Naya Ambi), Nancy (Gaea Mischa), Yuna (Mitzi Josh), at si Jeni (Zephanie) bilang lider ng grupo.

Hindi nalalayo ang away nina Megan (Olive May) at Jeni (Zephanie) sa alitan ng kanilang mga nanay, kaya ang mga problema noon ay dala-dala pa rin nila hanggang ngayon.

Gagawa ng paraan sina Amelia (Tessie Tomas) at Dara (Vina Morales) upang mapaalis si Jeni (Zephanie) sa grupo.

Matapos malaman ang ginawa nina Dara (Vina Morales) at Amelia (Tessie Tomas) kay Jeni (Zephanie), agad silang hinarap ni Minchie (Manilyn Reynes) upang ipagtanggol ang kanyang anak. Ngunit paano kaya maaapektuhan nito si Jeni at ang kanyang posisyon sa YUMI?

Ipinakilala na ng Astra M sa mundo ang kanilang bagong P-pop girl group na YUMI.

Nangako si Dara (Vina Morales) kay Jeni (Zephanie) na iuurong niya ang kaso laban kay Minchie (Manilyn Reynes) kung aalis siya sa YUMI.

Nag-decide ang management ng YUMI na patirahin sila sa isang bahay upang magkaroon pa ng chemistry at bonding sa pagitan ng mga miyembro.

Nagalit si Megan (Olive May) nang sabihin ng music producer na si Jeni (Zephanie), at hindi siya, ang makaka-duet ni Dara (Vina Morales).

Inamin ni Dara (Vina Morales) kay Megan (Olive May) na may inihanda siya sa kanyang legacy concert na siguradong ikatutuwa ng kanyang anak.

Magpaplano si Megan (Olive May) upang pigilan si Jeni (Zephanie) na makasama sa promo tour ni Dara (Vina Morales). Magtatagumpay kaya siya sa kanyang masamang plano?

Dahil sa pagmamalasakit ni Jeni (Zephanie) kay Dara (Vina Morales), nailigtas niya ito sa kapahamakang dulot ng isang fan.

Nalaman ni Jeni (Zephanie) na walang romantikong nararamdaman si Nate (Michael Sager) para sa kanya at kaibigan lamang ang tingin nito sa kanya.

May naglabas sa press ng totoong relasyon nina Minchie (Manilyn Reynes) at Jeni (Zephanie), dahilan upang magkagulo at mabigla ang lahat.

Nagalit ang buong management ng Astra M nang malaman nilang si Megan (Olive May) ang naglantad ng sikreto nina Jeni (Zephanie) at Minchie (Manilyn Reynes).

Gusto ng management ng BGYO na makipag-collaborate sa YUMI, ngunit may isang kundisyon: kailangan ibalik ng Astra M si Jeni (Zephanie) sa grupo.

Ngayon at naibalik na ng Astra M si Jeni (Zephanie) sa grupo, tuluyan nang magaganap ang inaabangang collaboration ng YUMI at BGYO. Ngunit paano kaya ito makaaapekto kay Nate (Michael Sager), na napapansin na ang paglayo at pag-iwas ni Jeni sa kanya?

Inaya ni Nate (Michael Sager) si Jeni (Zephanie) sa isang dinner date, ngunit hindi niya inakalang iimbitahan din nito ang mga miyembro ng YUMI at BGYO.

Malalagay sa panganib ang buhay nina Jeni (Zephanie) at Megan (Olive May) matapos pasukin ng mga lalaking magnanakaw ang kanilang kwarto.

Matapos ang pagligtas ni Jeni kay Megan, tila lumambot ang puso nito at nakipag-ayos na rin siya kay Jeni.

Dahil sa pagbabati nina Jeni at Megan, mas lalo pang naging malapit sa isa’t isa ang mga miyembro ng YUMI.

Nagkaayos na sina Dara at Minchie kaya muli nang nabuo ang Rosabellas, at magkakasama silang magpe-perform sa legacy concert ni Dara.

Sa kabila ng pagkakaayos nina Dara at Minchie, tumatanggi pa rin si Amelia na patawarin si Dara dahil hindi niya makalimutan ang sakit at pinsalang idinulot nito sa kanilang pamilya noon.

Nalaman ni Perry na minsan nang naisip ni Minchie na makipagtanan kay Dio at iwanan ang kanyang asawa at anak.

Kahit gustong makipag-ayos ni Dara kay Minchie, patuloy pa ring bumabalik sa kanya ang sakit na dulot nito at ni Dio. Makakaya kaya niyang tuluyang maghilom at magpatawad?

Sa pagsisimula ng legacy concert ni Dara, nagkaroon ng problema si Megan na maaaring makaapekto sa takbo ng espesyal na konsiyerto ng kanyang ina.

Nagulat si Dara nang marinig mismo kay Perry na si Dio ang tunay na ama ni Jeni. Paano kaya mababago ng rebelasyong ito ang kanilang mga buhay?

Pina-DNA test ni Dara si Jeni at ang kanyang asawa upang malaman kung totoong anak nga ni Dio si Jeni. Matutuklasan na kaya nila ang buong katotohanan?

Ngayong nalaman na ni Dara ang katotohanan tungkol sa pagkakakilanlan ni Jeni, muling sumiklab ang galit at sama ng loob na matagal na niyang itinago laban kina Jeni at Minchie.

Mararamdaman na ni Jeni ang matinding galit ni Dara dahil hindi pa rin nito makalimutan ang sakit na dulot ng mga nagawang kasalanan ni Minchie noon.

Muling nagsimula ng away si Dara laban kay Minchie matapos niyang malaman ang totoong pagkatao ni Jeni. Dahil dito, bumalik ang mga dating sama ng loob at sugat ng nakaraan.

Kahit magkaaway ang kanilang mga ina, nangako sina Jeni at Megan na hinding-hindi masisira ang kanilang pagkakaibigan. Mananatili kaya silang matatag sa kabila ng mga pagsubok na kanilang haharapin?

Sa araw ng fan meet ng YUMI, may inutusan si Dara upang siraan si Jeni sa harap ng publiko. Ano kaya ang magiging epekto nito kay Jeni at sa grupo?

Dahil sa utos ni Dara na manggulo ang ilan niyang fans sa fan meet ng YUMI, nauwi sa kaguluhan ang okasyon at malalagay sa matinding panganib ang buhay ni Perry.

Haharapin ngayon ni Jeni ang pinakamalaking pagsubok sa kanyang buhay matapos malagay sa kritikal na sitwasyon ang buhay ng kanyang amang si Perry. Magagawa kaya niyang manatiling matatag sa gitna ng matinding pagsubok na ito?

Magsisimula na ang bagong single launch ng YUMI, ngunit hindi pa rin maalis kay Jeni ang matinding pag-aalala sa kalagayan ni Perry. Magagawa kaya niyang ituon ang kanyang pansin sa mahalagang okasyong ito sa kabila ng kanyang pinagdaraanan?

Dahil sa nangyari, maaaring mawala ang pandinig ni Perry, bagay na lubos na ikinalungkot at ikinabahala ng kanyang pamilya. Paano kaya nila haharapin ang bagong pagsubok na ito?

Inamin ni Dara na siya ang nasa likod ng nangyari kay Perry, dahilan upang mabigla ang lahat sa rebelasyong ito. Ano kaya ang magiging kapalit ng kanyang pag-amin?

Nakalabas na ng ospital si Perry matapos ang kanyang paggaling at binigyan siya ng hearing aid upang makatulong sa kanyang pandinig. Paano kaya nito mababago ang kanyang buhay at ang samahan ng kanyang pamilya?

Dahil sa biglaang problema ni Perry sa trabaho, kinailangang umalis ni Jeni upang tulungan siya. Dahil dito, si Megan muna ang magiging center at lider ng YUMI para sa event ni Dara. Magagawa kaya niyang pangunahan nang maayos ang grupo?

Nalaman ni Megan na ang sarili niyang ina ang nasa likod ng kaguluhan sa kanilang fan meet at balak niya itong isumbong. Ngunit pinigilan siya ni Dara sa pamamagitan ng isang nakakagulat na rebelasyon—si Jeni pala ay kanyang kapatid sa ama. Paano kaya mababago ng katotohanang ito ang kanilang buhay?

Mas lumalala na ang kondisyon ni Perry at hindi malabong tuluyan na siyang mabingi. Paano kaya haharapin ng kanyang pamilya ang panibagong pagsubok na ito?

Rinding-rindi na si Megan dahil sa YUMI, puro pangalan na lang ni Jeni ang naririnig niya. Pakiramdam niya ay natatabunan na siya ng kanyang kabanda kaya lalo siyang nainis sa sitwasyon.

Lasing na si Megan nang makilala niya si JC, isang gwapong musikero na nakilala niya sa isang bar. Magiging simula kaya ito ng isang bagong kabanata sa kanyang buhay?

Gaya ng YUMI, invited din ang P-pop boy group na Vxon para sa Pinoy Pop Himig Awards. Magpapakitang-gilas kaya ang dalawang grupo sa isa sa pinakamalalaking gabi ng P-pop?

Natalo ng Nixi ang YUMI sa P-pop Song of the Year matapos manguna sa music charts ang "Runaway", na tinalo ang "This Is Our Time!". Paano kaya haharapin ng YUMI ang hindi inaasahang pagkatalong ito?

Tuluyan nang nasungkit ng YUMI ang P-pop Group of the Year Award. Ngunit sa kabila ng kanilang tagumpay, nabalot ng tensyon ang kanilang pagkapanalo dahil sa naging asal ni Megan.

May nagkalat ng video nina Jeni, Yuna, Nancy at Baste na nagpa-party, kung saan na-expose rin ang tunay na kasarian ni Baste. Paano kaya nila haharapin ang matinding epekto ng rebelasyong ito?

Nagkaroon ng matinding alitan sina Baste at Jeni matapos kampihan ni Jeni si Megan, isa sa mga pinaghihinalaan ni Baste na nagpakalat ng kanyang viral video. Masisira na kaya ang kanilang pagkakaibigan?

Unti-unting nararamdaman ni Megan na lahat ng bagay na para sa kanya ay napupunta kay Jeni. Habang lumalalim ang kanyang sama ng loob, lalo niyang nakikita si Jeni bilang pinakamalaking karibal niya.

Maaaring napatawad na ni Jeni si Megan, ngunit mula ngayon ay ituturing na lamang niya itong ka-grupo at hindi na kaibigan. Tuluyan na nga bang natapos ang kanilang pagkakaibigan?

Malalagay sa alanganing sitwasyon ang karera ni Megan dahil sa posibilidad ng suspensyon matapos ang sunod-sunod na problemang idinulot niya sa YUMI. Magagawa pa kaya niyang maituwid ang kanyang mga pagkakamali at mailigtas ang kanyang career?

Aaminin na ni Minchie kay Amelia ang katotohanan tungkol sa tunay na pagkatao ni Jeni. Magbabago kaya ang lahat sa oras na mabunyag ang matagal nang itinatagong lihim?

Matapos aminin ni Minchie ang buong katotohanan tungkol sa tunay na pagkatao ni Jeni, lalo pang magugulo ang mundo nina Amelia at Dara. Ano kaya ang magiging epekto ng matagal nang itinatagong rebelasyong ito?

Tuwang-tuwa ang YUMI nang makilala nila ang P-pop girl group na G22 habang kinakanta nito ang kanilang awit na "Groove On!". Magiging simula kaya ito ng magandang samahan ng dalawang grupo?

Ngayong alam na ni Amelia na apo niya si Jeni, gusto niyang mapalapit dito at makabawi sa mga panahong nawala. Bibigyan kaya siya ni Jeni ng pagkakataong mabuo ang kanilang relasyon bilang mag-lola?

Sinamahan ni Makmak si Jolly na panoorin ang paborito nitong P-pop girl group na YUMI. Magiging daan kaya ang espesyal na sandaling ito upang mas mapalapit pa silang dalawa?

Malalagay sa alanganing sitwasyon ang malaking lihim ni Dara matapos tuluyang maaresto si Karina Mendez. Makakamit na kaya ng pamilya ni Perry ang hustisyang matagal nilang hinihintay, o makakagawa pa ng paraan si Dara upang manatiling lihim ang katotohanan?

Nahuli nina Jeni at Minchie si Amelia na kausap ang suspek sa pagkabingi ni Perry. Ano kaya ang tunay na dahilan ng kanilang lihim na pag-uusap?

Aaminin na ni Perry kay Jeni ang matagal na niyang itinatagong katotohanan na hindi niya ito tunay na anak. Paano kaya tatanggapin ni Jeni ang rebelasyong ito?

Ngayong alam na ni Jeni na hindi niya tunay na ama si Perry, lalo siyang naging determinado na makilala ang kanyang tunay na ama upang mabuo ang kanyang pagkatao. Matatagpuan na kaya niya ang sagot na matagal na niyang hinahanap?

Lasing na si Megan nang makilala niya si JC, ang gwapong musikero sa isang bar. Magiging simula kaya ito ng isang bagong kabanata sa kanyang buhay?

Inamin ni Nate kay Jeni na matagal na siyang may gusto rito at ito ang laman ng kanyang puso. Paano kaya tatanggapin ni Jeni ang taos-pusong pag-amin na ito?

Isang panibagong yugto ang magbubukas para sa NIXI matapos ang pagbabago sa kanilang line-up at pagpapalit ng ilang miyembro. Paano kaya tatanggapin ng kanilang mga tagahanga ang bagong simula ng grupo?

Matapos siyang itaboy ni Megan, napilitan si Jeni na aminin na alam na niyang magkapatid sila. Paano kaya haharapin ni Megan ang rebelasyong ito?

Kahit anong paliwanag ni Jeni, hinding-hindi siya matatanggap ni Megan bilang kanyang kapatid. Magkakaroon pa kaya ng pagkakataon na maghilom ang sugat sa pagitan nilang dalawa?

Sa harap ng puntod ng kanilang ama, nagkasakitan sina Jeni at Megan dahil sa matinding galit na nararamdaman nila sa isa't isa. Mas lalo pa kayang lalalim ang hidwaan ng magkapatid?